Су — ырыстың көзі,
Еңбек — кірістің көзі.

Ілмектер: су, ырыс, еңбек

---

---

Дауылды күні құс салма,
Жауынды күні жылқы алма.

Ілмектер: дауыл, жауынды

---

---

Егінді күндіз егіп,
Түнде суар.
Гүлді күн көзіне егіп,
Күнде суар.

Ілмектер: егіншілік

---

---

Бағбан болсаң
Бақ өсір.
Балама деп
Тағы өсір.

Ілмектер: бағбан, егіншілік, бала

---

---

Жер — ырыстың кіндігі,
Еңбек — ырыстың қазығы.

Ілмектер: жер, ырыс, еңбек

---

---

Көп жүрген жер — көл,
Құм жүрген жер — шөл.

Ілмектер: жер, көл, көпшілік

---

---

Орманшы отынға жарымайды.

Ілмектер: орманшы

---

---

Жатқан тастың астына су бармайды.

Ілмектер: су

---

---

Қатты күркіреген күн
Тез ашылады.
Қатты ашуланған адам
Тез басылады.

Ілмектер: күн, ашу, адам

---

---

Тауға сүйенген,
Таудай бәледен аман қалады.

Ілмектер: тау, бәле

---

---

Жердің көркі:
Орман, тоғай, бұлағы,
Елдің көркі:
Қала, қыстақ тұрағы.

Ілмектер: жер, ел, көрік

---

---

Масақтың — дәні тәтті.

Ілмектер: егіншілік

---

---

Тәжірибелі егінші
Еліменен кеңесер,
Ел кеңесі аз десе,
Жеріменен кеңесер.

Ілмектер: егіншілік

---

---

Еменнен қатты ағаш жоқ,
Көп жатса жерде дерт ілер.
Болаттан қатты темір жоқ,
Тасқа салса кертілер.

Ілмектер: ағаш, өсімдік, темір, болат

---

---

Тары жеген — тарықпас.

Ілмектер: егіншілік

---

---

Ақ қар көп болса — ақ нан көп.

Ілмектер: жыл мезгілдері, егіншілік

---

---

Жаз келді,
Үйрек ұшып, қаз келді.

Ілмектер: жыл мезгілдері, жаз

---

---

Жауынгер сапта ойнасын,
Ағын су жапта ойнасын.

Ілмектер: жауынгер, су

---

---

Қыс қарлата,
Дауылдата келсе,
Көктем көлдете,
Жауындата келеді.

Ілмектер: жыл мезгілдері, қыс, көктем

---

---

Жақсы мұраптың
Соңынан су ереді.
Жаман мұраптың
Соңынан шу ереді.

Ілмектер: егіншілік

---

---