Көңіл кең болса, үйдің тарлығы білінбес.

Ілмектер: көңіл, үй

---

---

Қол — таразы,
Көңіл — қазы.

Ілмектер: қол, көңіл

---

---

Жақсының өңі қартайса да,
Көңілі қартаймайды.

Ілмектер: жақсы, көңіл

---

---

Көңілсіздің көлігі шаппас.

Ілмектер: көңіл

---

---

Жақсы жұмыстан
Жан рахат алады.
Жаман жұмыстан,
Көңіл қалады.

Ілмектер: жұмыс, жақсы, жаман, көңіл, еңбек

---

---

Мір тәуекел бұзады,
Мың қайғының қаласын;
Бір жылы сөз бітірер
Мың көңілдің жарасын.

Ілмектер: тәуекел, көңіл, жара, сөз, тіл

---

---

Киім кірі жуса кетеді,
Көңіл кірі айтса кетеді.

Ілмектер: көңіл, кір, сөз, тіл

---

---

Көз — нұрдың ұясы,
Көңіл — сырдың ұясы,
Сезім — жырдың ұясы.

Ілмектер: көңіл, сезім, көз, тіл, сөз

---

---

Тіл — көңілдің кілті.

Ілмектер: тіл, көңіл

---

---

Көңілдегі құпияңды —
Көзің айтып қояды,
Көп сөйлеген күпілдеп —
Сөзің айтып қояды.

Ілмектер: көңіл, құпия, тіл, сөз

---

---

Күлкі — ашылған гүл,
Көңіл — шашылған нұр.

Ілмектер: күлкі, көңіл

---

---

Көбікті қарда түлкі ойнар,
Көңілді көзде күлкі ойнар.

Ілмектер: көңіл, күлкі

---

---

Көңілің тартпаған іске қол ұрма.

Ілмектер: көңіл, іс

---

---

Төсектің тарлығы — тарлық,
Көңілдің тарлығы — қорлық.

Ілмектер: көңіл

---

---

Көзі соқырға жолдас болсаң да,
Көңілі соқырға жолдас болма.

Ілмектер: көңіл, жолдас

---

---

Көз көргенді көңіл тілейді.

Ілмектер: көңіл

---

---

Қалған көңіл — шыққан жан.

Ілмектер: көңіл

---

---

Адамның көңілі
Бір атым насыбайдан қалады.

Ілмектер: адам, көңіл, мінез-құлық

---

---

Көңілсізден күлкі шықпас.

Ілмектер: көңіл, күлкі

---

---

Көңілден қайыр,
Көзден мейір.

Ілмектер: көңіл, тәрбие, өнеге

---

---