Кіру Тіркелу
Өлең, жыр, ақындар
  1. Негізгі бет
  2. Жұмбақтар
  3. Алфавит, әріптер жұмбақтар


Балада бар,
Данада жоқ.
Бабада бар,
Ағада жоқ.

Б


Саңлақта бар,
Салмақта жоқ.
Қаңбақта бар,
Қалмақта жоқ.

Ң


Нарда бар,
Малда жоқ.
Нанда бар,
Қарда жоқ.

Н


Басы да «а», соңы да «а»,
Оқығандар ұғады.
Ортасына не қоссаң,
Ата болып шығады?

Т


Бір атадан туыпты жиырма тоғыз баласы,
Бірлігінде бұлардың, ешкімнің жоқ таласы,
Бірігіп жүріп іс қылар, өзің ойлап қарашы.

Жиырма тоғыз әріп


Қаздар бар жиырма тоғыз бірге туған,
Әлемнің былық басқан бетін жуған.
Қор болмайды, өмірде кем болмайды,
Туа салып анадан соны қуған.

Жиырма тоғыз әріп


Жансызға жиырма тоғыз* болдым таныс,
Тамаша бір жүйрікпен қылдым жарыс.
Жансыз тұрып, жандының себебімен,
Аяғын басады екен шәркем шалыс.

Жиырма тоғыз әріп


Мейізде бар,
Өрікте жоқ.
Киізде бар,
Сырмақта жоқ.

З әрпі


Халықта бар,
Елде жоқ.
Халатта бар,
Көйлекте жоқ.

Х әрпі


Шаңда бар,
Желде жоқ.
Тозаңда бар,
Құйында жоқ.

Ң әрпі


Жанында жаздың шуағы
Жаңбырмен жүзін жуады.
Екі орақ пен бір таяқ,
Белін бірге буады.
Ол қай әріп болады?
Ал зердеге салайық
Болады екен қай әріп.

Ж әрпі


Екі тіреу,
Басы біреу.

П әрпі


Дыбысы жоқ өзінше,
Тынысы жоқ өзінше,
Қатаңдатып жіберер,
Өзге әріпті көзіңше.

Ъ белгісі


«Ащы» дейсің қазақта,
Келу үшін осы әріп.
Құрық жалғап азапқа,
Түсті «ш»-ға дос әріп.

Щ әрпі


Өмірде жоқ,
Өңірде бар.
Ауырда жоқ,
Жеңілде бар.

ң әрпі


Қарда бар,
Мұзда жоқ.
Жарда бар,
Құзда жоқ.

Р әрпі


Қырық екi жауынгер,
Сапын түзеп тұрады.
Бұлдiршiндер
Қауымды ел,
Сырын терең ұғады.

Алфавит


Бiрiн-бiрi қоштаған,
Бiр үйден көрдiм,
Қырық екi дос-жаран.

42 әріп


Таспадай қағазға тізіп,
Жазатын әріптері
Шұрық тесік,
Нүкте мен сызық.

Морзе алфавиті


Ас біткеннің анасы,
Қасиетті нан осы.
Қайсы әріптен басталып,
Аяқталған қарашы.

Н әрпі

Жаңалықтар

Жұмбақ бөлімдері

Нақыл сөздер

Соңғы жоспарлар

Пікірлер