Ас, тағам, азық-түлік


Бәрі, бәрі тұйық,
Іші толы сұйық.

Жұмыртқа



Қар дейін десем,
Қап-қатты.
Тас дейін десем,
Тәп-тәтті.

Қант



Сауытын шештім сақтанған,
Көрінбеді ақ тоннан.
Ақ тонын да шешіп ем,
Сары тон шықты ішінен.
Сары тонын шешіп ем,
Түк таппадым ішінен.

Жұмыртқа



Дегенде емен екен, емен екен,
Мен көрсем емен жолы төмен екен.
Білімді ақын болсаң мен айтайын,
“Құраннан” бір жас үлкен немене екен?

Нан



Ақ сандық айналадан тауып алдым,
Ішінде не бар, не жоқ таба алмадым.

Жұмыртқа



Күрең қызыл түсі бар,
Тағамдардың асылы,
Қуат берер күші бар.

Таба нан



Сусында да сусын бар,
Отқа түсіп қанығар.
Ақ қатығы тағы бар,
Онсыз басың ауырар.

Сүт шәй, қаймақ



Күрең қызыл түсi бар,
Тағамдардың асылы.
Қуат берер күшi бар.

Таба нан



Алға жайып тұз-дәмiн,
Келтiредi үй сәнiн.
Ол халқымның ақ жаны,
Жақсы дәстүр маржаны,
Кеңпейiл де арайлы,
Осы жерден тарайды.

Дастархан



Ай далада ақ отау
Аузы, мұрны жоқ отау.

Жұмыртқа



Сұйық едi аппақ,
Бауырдай боп қатыпты,
Iшсең дәмi тәттi ақ.

Айран



Есiгi жоқ,
Тесiгi жоқ,
Ақ доптың iшiнде,
Несiбi көп.

Жұмыртқа



Түсi аппақ,
Тысы қатты-ақ,
Екi түрлi уызы,
Жесең тәттi-ақ.

Жұмыртқа



Ақ қиыршық еритiн,
Ас жоқ одан жеритiн.

Тұз



Дәмін таттсаң –тәтті-ақ,
Түсін көрсең- әппақ.

Қант



Он екі қысырағым бар:
Екеуі - жуан буаз,
Екеуі - күмән буаз,
Екеуі - анық буаз.
Екеуі - танық буаз,
Екеуі - жіңішке қысыр,
Екеуі - ат қысыр.

Екі ортан жілік, екі тоқпан жілік, екі асықты жілік, екі қары жілік, екі жанбас, екі жауырын



Алтынын алып,
Әбдіресін лақтырдым.

Жілік



Тоғай іші толған жұмбақ,
Ақын жігіт айтқан жұмбақ,
Шешен қатын шешкен жұмбақ.

Қойдың ішек-қарны және оны аршу



Абылқайым айтқан жұмбақ,
Айналысып жатқан жұмбақ.

Ішек-қарын



Екі аяғы да жоқ,
Белінде таяғы да жоқ.

Жұмыртқа



nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)