Келін туралы мақал-мәтелдер

Қайнағаңның алдында кердеңдеме келіншек.

*** *** *** ***

Келелі сөзді келін де айтады.
 
*** *** *** ***

Қазымыр ененің қарақұсында көзі бар.
 
*** *** *** ***

Жақсы үйге түскен келін келін,
Жаман үйге түскен келін келсап.
 
*** *** *** ***

Келіннің аяғынан, қойшының таяғынан.
 
*** *** *** ***

Келін келіп келістік десек, келінменен тебістік.
 
*** *** *** ***

Жіпті иіре алмаған жүн етеді,
Келінді күте алмаған күң етеді.
Келін ененің топырағынан.
 
*** *** *** ***

Қызым саған айтамын, келінім сен тыңда.
 
*** *** *** ***

Төркіні тентек келіннің тілі ұзын,
Төркіні момын келіннің — жібі ұзын.
 
*** *** *** ***

Көріп білген көріктіден, көрмей білген текті артық.
 
*** *** *** ***

Келіннің бетін кім бұрын ашса,
Сол ыстық.

*** *** *** ***

Келін жаман емес, келген жері жаман.

*** *** *** ***

Келін қыз болмас, күйеу ұл болмас.

*** *** *** ***

Жақсы енені жаман келін жер қылады, жақсы келін жаман енені ел қылады.

*** *** *** ***

Келіннің зекіп айтқаны, езіп құйған умен тең.
Көңілсіз берген тамағы, құм аралас күлмен тең. (Құлтума)

*** *** *** ***

Жау сырыңды алса, қызыңды алады.

*** *** *** ***

Ел анасы — қыз, жол анасы — із.

*** *** *** ***

Жаманнан жақсы туады, адам айтса нанғысыз.
Жақсыдан жаман туады, бір аяқ асқа алғысыз.

*** *** *** ***

Жақсы бала бағыңа бітеді, жаман бала түбіңе жетеді.

*** *** *** ***

Ашық әйелден ақымақ дәмелі.

*** *** *** ***

Жақсы әйел аңғарғыш, жаман әйел шамданғыш.

*** *** *** ***

Келіннің жақсысы құрдасыңдай, ұлыңның жақсысы сырласыңдай.

*** *** *** ***

Әйеліңе балаң жоқ жерде ақыл айт, балаңа адам жоқ жерде ақыл айт.

Қажетті сілтемелер:

Тіл туралы мақал - мәтелдер

Сайттағы барлық мақал - мәтелдер

Өнер-білім, тіл туралы қанатты сөздер

Отбасы туралы мақал - мәтелдер

Достық туралы мақалдар

Достық туралы ұлағатты сөздер

Достық, татулық туралы мақал-мәтелдер

Ұлағатты сөздер

---

Әлеуметтік желілерде бөлісіңіз: