29 ақпан неге 4 жылда бір рет қайталанады?

Кібісе жыл (орысш.: Високосный год) — әдеттегіше 365 күнді емес, 366 күнді қамтитын (366 күнге созылатын), төрт жылда бір келетін жыл. Екі кібісе жылдың арасында 365 күнге созылатын 3 қалыпты жыл бар.

Алғаш рет кібісе жыл Рим Империясын Юлий Цезарь басқарған кезде енгізілген Юлиан күнтізбегінде қарастырылды (б.з.д. 45 жылы).

Қазіргі уақытта қолданылып жүрген Григориан күнтізбесінде кібісе жыл әрбір төрт жылда бір рет келеді.

Кібісе жылы ақпан айының 29 күнге созылуымен айқындалады, яғни, кібісе жыл болғанда ақпан айы әдеттегіше 28 күнге емес, 29 күнге созылады.

Кібісе жыл Юлиан күнтізбесі мен Григориан күнтізбесінде де әр бір 4 жылда бір рет келеді десек те, екі күнтізбе арасынағы 11 минут 14 секунд уақыт айырмасын ескерсек, Григориан күнтізбегі бойынша кібісе жыл 128 жылда бір тәулік уақытқа ауытқып келеді.

Әлем бойынша 4 миллион адам туған күнін 29 ақпанда тойлайды екен. Бұл жер тұрғындарының 0,06%-ы ғана.

1500 баланың біреуі ғана 29 ақпанда дүниеге келуі мүмкін. New York Daily News газетінде екі келіншектің үш кібісе жылының 29 ақпанында 3 нәрестені дүниеге әкелген. Норвергиялық Хенриксендер жанұясында 1960, 1964 және 1968 жылдары 29 ақпанда нәрестелі болған. Ал Юта штатында Эстес отбасы да осы рекордты қайталаған: балалары 2004, 2008 және 2012 жылы туған.

Әлеуметтік желілерде бөлісіңіз: