Қолдауы шексіз ұстазым!

   Мектебіміздегі қазақ тілі мен қазақ әдебиеті пәнінің мұғалімі Шаймагамбетова Балжан Бакитжановнаның арқасында көптеген М.Мақатаевтың оқуларына қатысып, жүлдегері болдым. 2022 жылы Мұзбалақ ақын Мұқағали Мақатаев атындағы мектеп оқушылары арасындағы «Дариға-жүрек» І аймақтық көркемсөз байқауында Бас жүлде иегері болдым. Алғаш рет газет бетіне шықтым. М.Мақатаев оқуына деген ынтамды, құштарлығымды осы байқауда аштым.    

Одан кейін 2023 жылы Республикалық М.Мақатаев оқуларының аудандық кезеңіне қатысып, «Айтып өткен ақында арман бар ма?» номинациясы бойынша І-орын алдым. Облыстық кезеңге өттім. Бірақ облыстық кезеңде орын ала алмай қалдым, тек қана қатысқаны үшін деген сертификатпен қайттым. Сондағы маған Бакитжановнаның: «Иии, жаным-ау! Келесі жылы да бағымызды сынап көрерміз.» - деген сөздері көңілімді көтеріп жіберді.  

Әрине, осының барлығы ең бірінші Алланың одан кейін Балжан Бакитжановна мен отбасымның арқасында. Балжан Бакитжановнаның маған деген сенімділігі, сыйластығы өте керемет. Әр айтқан идеямды жүзеге асыруға көмектеседі. Ешқашан бетімнен қаққан емес. Бакитжановна екеуміз бірлесе отырып, мектептің қоңырауын «Алаш аманаты» күйіне ауыстырдық. Осы кезде қандай қуанышты болғанымды білсеніздер ғой. Мектеп оқушылары риза. Сол себепті Шаймагамбетова Балжан Бакитжановнаға алғысым шексіз.
     

  Алижан Ерболат.

Сарышаған кенті, "Сарышаған мектеп-

интернаты" КММ-нің 10 "А" сынып оқушысы