"Келесі өмірде кім болатыныңызды шештіңіз бе? "

Өмір — адамзат үшін ең терең, философиялық мәнге ие ұғым. Көптеген ойшылдар «Біз кімбіз?» деген сұраққа жауап іздеген. Адам өз отбасын, түр-келбетін, есімін таңдай алмайды. Ал егер сізге «Келесі өмірде кім болғыңыз келеді?» деген сұрақ қойылса, не деп жауап берер едіңіз? Бұл — таңғажайып әрі қызық сұрақ. Ол біздің қазіргі өмірімізді қалай бағалайтынымызды, ішкі әлеміміздің қандай арман-қалауларға толы екенін көрсететін терең тақырып. Егер расында жарық дүние есігін қайта ашуға мүмкіндік берілсе, сіз оны қалай пайдаланар едіңіз? Қандай болмысты таңдар едіңіз?

Кей адамдар бұл сұрақты тек қиял мен ғажайып әлеммен байланыстыра отырып қарастырса, енді біреулер өз өміріндегі кемшіліктерді жаңа қырынан бағалауға тырысады. Мысалы, біреу құс болуды қалайды — еркіндік пен шексіз аспан әлемінде еркін самғағысы келеді. Тағы бірі су перісі болуды армандайды — теңіздің тыныштығын сезініп, әрбір тамшы судың денеге жанасуын қабылдағысы келеді. Ал кейбірі гүл болуды қалайды, себебі гүл — сұлулықтың, нәзіктіктің символы. Олар айналасына қуаныш пен тыныштық сыйлауды армандайды.

Басқалары бұл тақырыпты шынайы болмыспен байланыстырып қарайды. Мысалы, біреу келесі өмірінде толық әрі мейірімді отбасына айналғысы келеді. Олардың арманы — сүйіспеншілік пен түсіністікке толы бақытты өмір сүру. Тағы біреулер келесі өмірінде денсаулығы мықты болуды қалайды. Себебі олар бұл өмірде денсаулықтың қадірін біліп, ауыртпалықтан арылуды армандайды.

Ойланып қараңызшы: сіздің аяқ-қолыңыз сау, сізде отбасыңыз, жанашыр жақындарыңыз бар. Ал біреулер үшін бұл — келесі өмірдегі ең үлкен арман! Әр адамның келесі өмірдегі бейнесі — оның қазіргі ішкі құндылықтарымен тығыз байланысты. Біреулер еркіндікті қаласа, енді біреулер таңғажайып қиялдың тұңғиығына еніп кетеді. Ал сіз үшін күнделікті, қарапайым көрінетін дүниелерді басқалар өмір бойы армандап өтуі мүмкін.

«Келесі өмірде кім болатыныңызды шештіңіз бе?» деген сұрақ әркімге әртүрлі әсер етеді. Бұл — жай ғана қиял емес, бұл — өмірге деген көзқарасыңызды, ішкі болмысыңызды, құндылықтарыңызды тануға шақыру. Мұндай таңдау бізді шынайы болмысымызды ашуға, өмірдің мәнін түсінуге жетелейді. Әрбір ой, әрбір арман — адам баласының рухани өсуіне жасалған қадам. Ал сіз келесі өмірде кім болатыныңызды шештініз бе?