Би билеудің адам өміріне әсері

    Би – адамның физикалық және психологиялық денсаулығына оң әсер ететін өнер түрі. Ол бұлшықеттерді нығайтып, дененің икемділігін арттырады, жүрек пен тыныс алу жүйесін жақсартады. Дүниежүзілік денсаулық сақтау ұйымының (ДДҰ) деректеріне сәйкес, орташа қарқынды билеу жүрек-қан тамырлары ауруларының қаупін шамамен 20–30%-ға төмендетеді.

   Сонымен қатар би психологиялық тұрғыдан да пайдалы. Музыка мен қозғалыс эндорфин гормонының бөлінуін арттырып, адамның көңіл күйін көтереді және кортизол (стресс гормоны) деңгейін төмендетеді. Бір сағат би билеу кезінде орта есеппен 300–400 калория жұмсалады, бұл жеңіл жүгірумен тең нәтиже береді. Мысалы, салмағы 57 кг адам бір сағат орташа қарқынды би билесе шамамен 330 калория, ал 70 кг адам 410 калория жағады. Осылайша, би билеу – денсаулықты нығайтудың, эмоционалды тепе-теңдікті сақтаудың және өмір сапасын арттырудың ең тиімді тәсілдерінің бірі.

«Journiverse» білім беру орталығының оқушысы: Жабағыбай Айерке​