Чипсілер: дәмді, бірақ зиян

     Қазіргі таңда біз көбінесе құрамында белгісіз қосылыстар бар тағамдарды тұтынамыз. Мысалы, чипсілер. Олар әртүрлі дәмдеуіштермен, түрлі дәмде шығарылады. Көп адам чипсіні кино көргенде немесе далада серуендегенде жейді, бірақ оның қаншалықты зиян екенін бәрі біле бермейді.Біріншіден, 100 грамм чипсінің калориясы шамамен 547 ккал. Ол тойымсыз көрінгенімен, ауыр және майлы тағам саналады. Ал майлы өнімді көп тұтыну жүрекке зиян келтіруі мүмкін және артық салмақ жинауға әкеледі. Екіншіден, чипсідегі тұз бен натрий мөлшері өте жоғары – 100 граммға шамамен 525 мг. Артық тұз организмдегі суды ұстап, қан қысымына кері әсерін тигізуі мүмкін. Үшіншіден, чипсінің дәмділігі мен ұзақ сақталуы көбіне химиялық қоспаларға байланысты.

Ең көп кездесетіндері:

• Дәм күшейткіштер (моносодиум глутамат, E621) – дәмді күшейтеді, бірақ кей адамдарда бас ауруы немесе тәбеттің артуына себеп болуы мүмкін.

• Консерванттар (E200–E299) – тағамды ұзақ сақтау үшін қосылады, асқазанға ауырлық және аллергиялық реакция туғызуы мүмкін.

• Трансмайлар – жүрек-қан тамыр ауруларының және холестериннің арту қаупін тудырады.

Сондықтан чипсіні үнемі тұтыну денсаулыққа кері әсер етуі ықтимал.

   Чипсілер дәмді әрі жеңіл көрінгенімен, олардың зиянды жақтарын ұмытпау керек. Артық тұз, май және химиялық қоспалар ағзаға теріс әсер береді. Сондықтан чипсіні сирек және аз мөлшерде жеуге, күнделікті тамақтануда оны қолданбауға кеңес беріледі.

«Journiverse» білім беру орталығының оқушысы: Анешова Аяжан