Йога: Рухани тыныштық пен тән саулығының үйлесімі

     Йога — ежелгі Үндістаннан бастау алатын, дене мен жанның үйлесімін табуға бағытталған ерекше тәжірибе. Қазіргі таңда ол тек рухани емес, физикалық және психологиялық саулықты сақтаудың тиімді құралы ретінде әлемнің түкпір-түкпірінде кеңінен қолданылады. Йоганың басты мақсаты — адамды ішкі тыныштыққа, өзін толық қабылдауға және салауатты өмір салтына бейімдеу. Ол тек қимыл-қозғалыс емес, сананы тазарту мен терең тыныс алуға негізделген жаттығулар жүйесін қамтиды. Әрбір асана (поза) дененің икемділігін арттырып қана қоймай, жүйке жүйесін тыныштандыруға және ойды шоғырландыруға көмектеседі.

Ғылыми зерттеулер көрсеткендей, йогамен тұрақты айналысу күйзеліс деңгейін төмендетеді, ұйқы сапасын жақсартады және иммунитетті күшейтеді. Сонымен қатар, қан айналымын реттеуге, артық салмақпен күресуге және жалпы физикалық жағдайды жақсартуға септігін тигізеді. Йогамен айналысатындардың 72%-ын әйелдер құрайды, ал ер адамдар арасында бұл тәжірибенің танымалдығы аздау. Әлем бойынша 300 миллионнан астам адам йогамен тұрақты түрде айналысады, бұл сан күннен күнге өсіп келеді.

Халықаралық Йога күні — 21 маусым — әр жыл сайын БҰҰ деңгейінде атап өтіліп, йоганың денсаулыққа, рухани тыныштыққа және бейбітшілікке әсерін дәріптейді. Йога — дене мен жанның үндестігі. Ол сыртқы әлемнің шуынан бір сәтке алыстап, өз ішіне үңілуге мүмкіндік береді. Тек спорт қана емес, өмір салтына айналатын бұл тәжірибе әр адамның күнделікті тіршілігіне тыныштық, тәртіп және тепе-теңдік сыйлай алады.

«Journiverse» білім беру орталығының оқушысы: Бақытжанқызы Аяулым