Жастар және болашақ: 2026 жылғы жаңа талаптар

    2026 жыл Қазақстан үшін білім беру жүйесі мен еңбек нарығында түбегейлі өзгерістер кезеңі ретінде сипатталады. Бұл жыл елде «Цифрландыру және жасанды интеллект жылы» болып жарияланып, қоғамның барлық саласына технологиялық талаптардың күшеюімен ерекшеленді. Қазіргі жағдайда бір мамандықпен өмір бойы жұмыс істеу мүмкіндігі барған сайын азаюда. Дүниежүзілік экономикалық форумның болжамына сәйкес, бүгінгі жастардың шамамен 65 пайызы болашақта қазір мүлде жоқ мамандықтарда еңбек етеді. Бұл — еңбек нарығының тұрақсыз емес, керісінше үнемі өзгерісте екенін көрсететін нақты дерек.

Егер 2020 жылдары Excel бағдарламасын меңгеру маңызды саналған болса, 2026 жылы жасанды интеллект құралдарын қолдана алмау сауатсыздықпен тең бағалануда. Осыған байланысты Қазақстанда 2026 жылдан бастап мемлекеттік қызметкерлер мен мұғалімдерді аттестациялау барысында олардың цифрлық құралдармен, соның ішінде жасанды интеллект технологияларымен жұмыс істеу қабілеті міндетті түрде тексеріледі.

Демографиялық тұрғыдан алғанда да бәсеке күшейіп келеді. Бүгінде ел халқының шамамен 30 пайызы — жастар. Бұл еңбек нарығында жастар арасындағы бәсекенің арта түсетінін білдіреді. Сондықтан 2026 жылы жаңа білімді жылдам меңгеру, қажет болған жағдайда ескі дағдылардан бас тарта білу — табысқа жетудің негізгі шартына айналды.

2026 жыл — нақтылық пен нәтижеге негізделген кезең. Егер адам нақты құзыреттерге ие болмаса, оның жасанды интеллект пе немесе басқа фактор ма екені маңызды емес, еңбек нарығы ондай маманды ығыстырып шығарады. Алайда бұл жағдайды қауіп ретінде емес, мүмкіндік ретінде қабылдау қажет. Өйткені болашақ — алыстағы жоспар емес, ол дәл қазіргі таңда жасалып жатқан қадамдардан құралады. Үйрену, тәуекел ету, өзгеріске бейімделу — бүгінгі жастың басты міндеті. Тоқтауға уақыт жоқ, себебі болашақ дәл қазір басталады.

«Journiverse» білім беру орталығының оқушысы: Қуат Қуаныш