Шынайы достықтың маңызы және статистика

    Шынайы достық — адам өміріндегі ең қымбат рухани құндылықтардың бірі. Нағыз дос қиын сәтте қолдау көрсетіп, қуаныш пен қайғыны бірге бөліседі, адамды рухани жағынан байытады. Достық тек көңіл көтеру емес, ол — сенімге, адалдыққа және өзара құрметке негізделген қарым-қатынас.

Ғалымдар мен әлеуметтанушылардың зерттеулері достықтың адамның психологиялық, әлеуметтік және тіпті физикалық денсаулығына оң әсер ететінін дәлелдеп отыр. Жақын достары бар адамдар күйзеліске сирек ұшырайды, өмірге қанағаттану деңгейі жоғары болады және өзін жалғыз сезінбейді.

Статистикалық деректер

АҚШ-та жүргізілген сауалнамаларға сәйкес, америкалықтардың 61 %-ы жақын достардың болуы бақытты әрі толыққанды өмір сүру үшін өте маңызды деп есептейді. Бұл көрсеткіш достықтың маңыздылығы кей жағдайда материалдық жағдай немесе мансап сияқты факторлардан да жоғары бағаланатынын көрсетеді.

Зерттеулерге сүйенсек, адамдардың көпшілігінде 1-ден 4-ке дейін жақын дос бар — бұл көрсеткіш шамамен 53 %-ды құрайды.Ал 38 %-ы 5 немесе одан да көп жақын досы бар екенін айтқан. Тек 8 %-ға жуық адамның ғана жақын досы жоқ екені анықталған. Достар саны ғана емес, достықтың сапасы да маңызды. Психологиялық зерттеулер көрсеткендей, шынайы әрі сенімді достық байланыстары бар адамдар өз өміріне көбірек риза болып, өзін бақытты сезінеді.

Қазақстандағы жағдай

Қазақстанда жүргізілген сауалнамалар нәтижесінде азаматтардың шамамен 9,3 %-ында тек бір ғана жақын дос барекені анықталған. Бұл әр адамның достыққа деген көзқарасы мен өмір салты әртүрлі екенін көрсетеді. Кей адамдар үшін аз, бірақ сенімді дос — ең үлкен байлық. Шынайы достық — адамның өмір жолындағы ең берік тіректердің бірі. Ол қиын сәтте демеу болып, қуанышта ортақтасуға мүмкіндік береді. Сондықтан достықты сақтау, бағалау және оған адал болу — рухани бай әрі мәнді өмірдің кепілі.

“Journiverse” білім беру орталығының оқушысы: Омирбаева Гулжан