Эссе және өлең-жыр байқауы

Мамандығым мақтанышым

Мамандықты не үшін таңдасаң,  сол үшін еңбек етесің.  Мен солай тұжырым жасаймын . Сөзімді түсіндірсем:  Мен мұғалімдікті білімге құштар болған соң және баланы жақсы көрген соң, ең бастысы осы екі сөзімді өзара байланыс жасай алып, өз бойымдағы білік дағдыны осы жолда жұмсай алған соң таңдадым. Менің таңдауым осы басқа бұлтарар жол жоқ.

Алдымда отырған мөлдіреген таза көздер ертеңгі күні турашыл, әділ, оң ұстамды көзқарасы бар азаматқа айналу үшін еңбек етемін. Мақсатым- смарт, білім мен адамгершілік,отаншылдық қасиеттерді қалыптастыру үшін критерийге сәйкес келуім шарт.

Маман ретінде қалыптаса келе  пайда болған көп сұрағымның жауабын мен жаңартылған бағдарламаның мазмұнынан таптым. Менің алдымдағы  білім алушы еркін ойлы,  пікірін білдіре алып, таңдау жасайтын өрендер. Олар білуге құштар,  мәселенің шешімін табады. Мотивация алу үдерісі бізде кері байланыста,  яғни мен олардан,  олар менен де алады. Өз білімінің қолдану кеңістігін анық білетін,  қоғамға қажет тұлғаға жол ашу - менің анық мақсатым.  Осы жолда жетістігім де аз емес, кемшілігім де болуы мүмкін. Әйтсе де менің жүрегімдегі ұлттық педагогика мен заманауи технологиямен үндескен ұстанымым ұстаздық жұлдызымды жарқыратпақ!

Мамандығым мақтанышым

Тойбахова Жадыра Абдрахмановна

Қызылорда облысы Арал ауданы Шижаға ауылы

№57 Е.Көшербаев атындағы орта мектептің

бастауыш сынып мұғалімі


Әлеуметтік желілерде бөлісіңіз:

Пікірлер (0)

Пікір қалдырыңыз

Басқа сайттағы жаңалықтар:

Жүктелуде...