Өлеңдер Бөлімі

Анашым

Қызылорда қаласы
№43 Ж.Махамбетов атындағы қазақ орта мектебі
Бастауыш сынып мұғалімі Құдайбергенова Айсара

Мақсаты: Ана жайлы тамаша сөздер, өлеңдер, әндер арқылы ардагер, ұстаз-аналар мен аруларды мерекемен құттықтау, оқушыларды мейірімділікке, ұстамдылыққа тәрбиелеу, ұстазға ата-анаға деген құрмет сыйын арттыру, ана еңбегін қадірлей білуге үйрету.

Көрнекілігі: аналар жайлы нақыл сөздер, мақал-мәтелдер.

Тәрбиеші: Кеш жарық, қымбатты аналар! Көңілдеріңізге көктем шуағындай сезім мен нұр құйып, тағы да 8-Наурыз халықаралық әйелдер күні келді. Осынау көркем мерекенің қай кезде де орны бөлек. Олай болатыны, аналарға деген ыстық сезім, алғыс пен құрмет ешқашан сөнбек емес.

Олар-өмірдің гүлі, көңілдің жыры, әр отбасының алтын діңгегі. Мынау тынымсыз тіршілік пен кең дүниенің өзі тек аналармен ажарлы. Бүгінгі арайлап атқан нұрлы таңмен бірге әрбір сәби жүрегі өзің деп соқса, бүгінгі мерекелік кешіміз де аналарға арналады Біз ғана емес, қадір тұтқан бабалар.

Аналардан туған небір даналар. Ана деген тіршіліктің тірегі, Армысыздар,қасиетті аналар! Бүгінгі аналарға арналған «Анашым» атты мерекелік кешімізді бастауға рұхсат етіңіздер.

Аналарға деген жылы лебіздер. Гүлім. Дана анашым Бақдәулет. Жайдарлы анашым Ернұр. Салмақты анашым Нұрдәулет. Жаңашыр анашым Айкөркем. Қамқоршы анашым Калима. Кемеңгер анашым Кәусар. Ардақты анашым Мирлан. Ақылды анашым Шапағат. Әсем анашым Мерей. Аяулы анашым Жанел. Кешірімді анашым Аянат. Сырлас анашым Бергей. Қадірлі анашым Ерген. Алтын анашым Сабыржан. Мейрімді анашым Ақбөбек. Өмір сыйлаған анашым Мерует. Асыл анашым Әміржан. Тірекші анашым Әлижан. Шуақты анашым Жүзімізге қараңыз. Бал-бұл жанған баламыз. Бізге қымбат күн шуақ, Бізге қымбат Анамыз.

Тәрбиеші: Көңілің
Алатаудың ақ қарындай,
Мейрімің күннің шуақ шақтарындай.
Қалайша аяулы ана тына алармын
Ән болып сағыныштан ақтарылмай,-деп абзал аналарымызға балалардың Анамның тілі-аяулы үні атты әнін қабыл алыңыздар.

Ән: Анамның тілі – аяулы үні сөзі: Ш.Смаханұлы әні: әні :Ә.Тыналиев

Өмірге келдім,
Анамды көрдім,
Деді ол: "жаным, Арайлы таңым".
Самал боп желпіп,
Жырымен ертіп,
Үйретті тынбай
Бал тілін, әнін.

Қайырмасы:
Анамның тілі - айбыным менің,
Анамның тілі - ай-күнім менің!
Байтақ елімді туған,
Сүйемін мәңгі өмірді думан.

Мектепке келдім,
Ұстазды көрдім,
Тыңдадым сөзін
Табынып, сүйіп.
Анамның тілі,
Аяулы үні

Тәрбиеші: Жүрекке нұрын
Жіберді құйып.
Ақ анашым, аппағым.
Өзің жайлы тақпағым.
Арналады сіздерге.

Бар баланың тақпағы, балалардың аналарына арнаған тақпақтарын қабыл алыңыздар.

Сабыржан: Мен үшін не керек – бәрін іздеп табасың.
Айналайын анашым, жұмысыңа барасың.
Қайтып мені көргенде, шын сағынып қаласың.

Айкөркем: Бар мейірімділік анада
Ана деген бір жанды
Мейірімділік ананың
Болмас еш бір адамда.

Шапағат: Әжем ұйықтар алдында
Ертегі айтып береді.
Еркелеп ойнап жатқанда
Ылғи ұйықтап қаламын.

Мерей: Керемет қой аналар
Аналарды теңейміз ғой құндызға,
Күнге де, айға да, жұлдызға.
Өмір бақи анаменен
Бақытты ғой ұл-қыздар!!!

Ақбөбек: Ана пана, Ана дана.
Өмірді әкелетін, Ана ғана!!!
Жарқын жүзді жан анам сендей болсын бар адам
Сендей болса бар адам шаттык кетпес баладан

Мерует: Әр сөзімді жаттаған,
Жүрегімде сақтаған,
Анашым деп мақтанам,
Айналайын ақ анам!

Кәусар: Біз доспыз гүлдермен,
Текке оны жұлмаймыз
Той күні бір-бірден
Аналарға сыйлаймыз.

Мирлан: Сенен өскен балалар,
Батырлар мен даналар
Құттықтаймыз мейраммен
Құрметті әжелер мен аналар.

Гүлім: Ақ анашым, аппағым,
Өзің жайлы тақпағым
Өзің жайлы әнім де,
Арнадым саған бәрін де.
Шашымды өріп тараған,
Қабағыма қараған
Үлкен кіші демейді
Сыйлайды оны бар адам.

Ернұр: Айналайын анашым,
Әлпештеген баласын,
Еміп өскен бөбекпіз,
Анамыздың мамасын.

Аянат: Ақ қабақты анашым, күн сәулелі анашым.
Әлпештеген баласын, айналайын анашым.

Бұралып біздің ұлдар билеген де,
Шығыстың асқақ әні тербегенде
Қол соқпай дәті шыдап тұра алар
Аналар айтыңдаршы қандай адам

Би: «Джентельмен» Мерей. Мирлан. Сабыржан. Бергей. Бақдәулет. Әміржандыжанды қарсы алайық.

Әлижан: Бізге қарап елжіреп, ...
Сүйсе беттен күнім деп,
Құшақ ашса келші деп,
Жүгіреміз күлімдеп.

Бергей: Мен гүлдердi жұлмаймын
Торғайларды қумаймын
Айтқан сөзiн тындаймын
Анашымды сыйлаймын

Жанель: Той пердесін ашайық
Тойға шашу шашайық
Аналарды құрметтеп,
Ән маржанын ашайық.

Әміржан: Қандай қызық көктемде
Күн шуағын төккенде,
Гүл тереміз алуан
Шығып алып көк белге.

Ән: «Анашым» Олай болса Ақбөбекті қарсы алайық

Дауысына сүйсініп тамсанайық
Ерке қыздың талантына тәнті болып,
Уа, халайық, жұмыла қол соғайық!

Сахналық көрініс. «Бала көңілі»
Күнінде гүл көктемнің нұрын шашып,
Жасқанбай әр қадамын нық-нық басып,
Биімен көрерменді тәнті ететін
Жанел келді міне толқып, тасып
Би: «Үнді биі» Отарқос Жанелді қарсы алайық.

Бақдәулет: Анам, анам, ақ анам
Мен өзіңдей ақ балаң,
Айтқан тілінді аламын
Жұмсағанда барамын.

Нұрдәулет: Қозы бағып жүргенде,
Жаңбыр жауды.
Бір тамшысын әкелдім, Анам, саған!
Гүлдер жауып кетіпті
Қырды, тауды.
Бір шоқ теріп әкелдім, Анам, саған!

Калима: Анамыздың мейірлі
Жүзіне біз қараймыз.
Анамызды пейілді
Жомарт жанға балаймыз.

Ерген: Ақ мамамды әрқашан,
Сағынамын, сыйлаймын.
Мейрам сайын мен оған,
Түрлі сыйлық сыйлаймын.

Бала, бала, бала деп
Түнде шошып оянған!
Түн ұйқысын төрт бөліп,
Түнде бесік таянған!

Ойын: «Сәбиді киіндіру»
Би: «Кір жуу» Ернұр. Ерген. Шапағат. Әлижан. Нұрдәулетті қарсы алайық.

Әркімнің де өмірден аласы бар,
Аласы бар адамның анасы бар.
Мерекесін құттықтап аналардың,
Ән жолдайтын аналардың баласы бар.

Ән: «Анашым,анажаным» орындайтын: Ерболатқызы Гүлім
Би: Қуыршақ. Биші: Жайжан Айкөркем.

Тәрбиеші: Білмесең надан боласың,
Жау қолында қаласың,
Үйреніп бәрін біле алсаң,
Ақылың жетіп толасың!

Д/ойын . «Кім жылдам?» Мақсаты: Балалардың жылдамдықпен, берілген әріптерден сөздерді дұрыс құрастыра алуға төсілдіру. Сөздер. ӘЖЕ. АНА. АПА

Тәрбиеші: Анам менің аялап, әлдилеген
Түн ұйқысын төрт бөліп мәпелеген
Дәмің кетпес ақ сүтің аузымдағы
Қалайша ұмытамын бал татыған
Ақ сүтінен нәр алғам.

Ән: «Әлди, әлди» орындайтын Жайман Мерует.

Тәрбиеші: Мерекені қарсы алып,
Мәз болғанда барша жұрт,
Гүл ұсынып қыздарға,
Сыйлық бердім мен өзім - дей отырып қыздарға арналған сыйлығымызды табыс етуге рұқсат етіңіздер. (Ұлдар қыздарға сыйлықтарын табыс етеді)

Тәрбиеші: Ана деген — асыл жандар болаттай,
Ана деген — мөлдір жандар бұлақтай.
О, адамдар, қадірлей біл Ананы,
Жат қылыққа ақыл-ойды тонатпай.

Асылжанды әжелер, ардақты аналар, сүйкімді апалар сіздерді бүгінгі мерекелеріңізбен шын жүректен құттықтаймыз. Дендеріңізге саулық, отбасыларыңызға амандық тілейміз. Бүгінгі «Анашым» атты мерекелік шарамыз өз мәресіне жетті. Келесі мерекеде кездескенше аман, сау болыңыздар!

Тәрбиеші: Бөбегіңнің сыйлығын,
Қабыл алшы анашым.
Ұзақ өмір жүз жасап,
Ауырмашы анашым.

Ән: «Бол жанымда» Топтық орындауда.


Қарап көріңіз

Пікірлер (0)

Пікір қалдырыңыз

×