Балабақшадағы ойыншықтар мерекесі. Ойыншықтар айтысы.

Пән мұғалімі: Садук Кулаш

Сынып: 0 «б»

«№ 5 орта мектеп» КММ мектеп алды даярлық тобының тәрбиешісі

 

Оқу іс-әрекетінің тақырыбы: Балабақшадағы ойыншықтар мерекесі. Ойыншықтар айтысы.

Мақсаты:

1. Балалардың ойыншықтар туралы түсініктерін кеңейту, ойыншықтардың аттарын атай отырып, оларды сипаттап айтуға үйрету.

2.Тіл ұстарту жаттығуларын дұрыс айта білуге дағдыландыру.

3.Ойыншықтарды күтіп үқыпты ұстауға тәрбиелеу.

Жаңа сөздер: жұмсақ, резина, компьютер.

Көрнекілік: әртүрлі ойыншықтар, көліктің түрлері, резиналы ойыншықтар, жұмсақ ойыншықтар.

Оқу іс-әрекетінің барысы:1.Ұйымдастыру:

 Ертеңгілік жүздесу.

 Қуанамын менде, қуанасың сен де.

 Қуанайық достарым, арайлап атқан күнге.

 Бүгінгі күніміз сәтті өтсін.

 Бәріңе сәттілік тілеймін!

2.Балалар шеңбер болып тұрады. Ғажайып қалтаға салынған ойыншық түрлерін алып келіп, балаларға тарату, әрқайсысы алған ойыншықтарын сипаттайды.

-Бүгін - ойыншықтар мерекесі. Бізге көп ойыншықтар қонаққа келіпті. Олар көрме ұйымдастырып, ойыншықтар мерекесін өткізуге көмектеседі. Біздің көрмеге ойыншықты күтіп өстайтын мейірімді Перизат та (Фея) келіпті. Қош келдіңіз.

Балалар Перизатқа ойыншық туралы оз ойларын айтады. Теледидардан әртүрлі ойыншық ұстаған балалар би билейді. Мейірімді Перизат сұрақтар қояды.

-Ойыншық не үшін керек және ол неден жасалады?

 -Өздерің ойыншықты қалай күтіп үстайсыңдар?

-Аю, доп, қоян, қуыршақтардың бәрін жалпы қалай атауға болады?

Көңіл күйді көтеру.

Ойыншықтарды шашамыз,

шашамызда жинаймыз,

 Бөлмемізді өрнектеп,

мерекеге біз дайын.

3.Барлық балалар ойыншықтарды аралап көріп шығады. Қолмен ұстап көреді. Балалардың біреуі өзінің сүйікті ойыншығын сипаттап айтады.

«Ойыншықтар» деген сөзге сөйлем құрастыру. Ойыншықтар сөзіне дыбыстық талдау жасау.

4.Дәптермен жүмыс.

«Ойыншықтар айтысы»әңгімесін оқу.

Кішкентай Сәнияның ойыншықтары көп. Туған күніне сыйлаған ойыншықтары қаншама. Неше түрлі қуыршақтар аю, қоян, ит және т.б. бөлмесіндегі ойыншықтар бұрышында сөрелерде тізіліп түр. Бір күні үйдегілер ұйқыға кеткен шақта ойыншықтар бір-бірімен айтыса бастады. Сондағы даулары Сәния қыз қайсысын өте жақсы көреді екен?

Әңгімені сары шашты әдемі қуыршақ бастады.

-Сәния мені өте жақсы көреді, себебі мен әдемімін.

-Жоқ мені жақсы көреді, өйткені мен мамықпын, -деп қуыршақпен ақ қоян келіспеді. Ал менің үлкендігім соншама кейде мені жастанып та жатады. Неге дауласасыңдар соншама біздер арқылы оның ой-өрісі дамиды, - дейді түрлі түсті текшелер жамырап.

Бәрінің айтқан дәлелдерін тыңдап болған үш аяқты велосипед:

-Маған тең келетіндерің жоқ шығар. Адамға денсаулық керек. Мен арқылы ол денсаулығын шыңдайды, -деп мақтанады. Осылай ойыншықтар үзақ айтысады.Ойыншықтардың осы дауын ұшып келіп терезенің жақтауында отырған көгершін естиді.

-Ойыншықтар неге сонша дауласасыңдар? Ал сендердің қайсысың Сәнияны өте жақсы көресіңдер? -деп сұрады.

-Мен, мен, -деп бәрі жамырай жауап қатты ойыншықтар.

- Міне, көрдіңдер ме? Сәнияны бәрің бірдей жақсы көреді екенсіңдер. Сәния да бәріңді жақсы көреді. Оған сендер керексіңдер. Олай болмаған жағдайда Сәния қажет еместеріңді лақтырып, не біреуге сыйлап жіберер еді. Тек бәріңмен бірдей бір мезгілде ойнауға оның шамасы келмейді.

Ақ көгершіннің айтқанының жаны бар. Ойыншықтар үндемей қалды. Бұл кезде таң да ата бастады.

5.Қорыту:Сұрақ-жауап әдісі арқылы оқу іс-әрекеті балалардың алған білімдері пысықталады.

 

---