Өлең, жыр, ақындар

Жылқы жыр

  • 30.04.2019
  • 0
  • 2
  • 7368
Қыл шылбырын сүйретіп,
Қай шумағың шашау жүр?
Әбден сені үйретіп
Алдық білем, асау жыр.
Омақасып өлсең де,
Осқырыну жоқ сенде.
Сен дайынсың мінсем де
Сен дайынсың жексем де.
Ой тұндырып көзіңе,
Ұстағанмен күйлі етіп,
Төрт аяқтың өзімен
Қойдық сұлу билетіп.
Орасан іс істеумен,
Өшті ме оты үміттің?!
Баяғыша тістеу мен
Тебуді де ұмыттың.
Желігенің жігерсіз
Түсіреді еңсені.
Ер-тоқымсыз,
Жүгенсіз
Жіберейін мен сені.
Болды!
Жетті!
Бәрінен
Босатайын мен сені.
Керек саған дәріге
Еркіндіктің женьшені!
Оқыранып анайы,
Далаңа сыр айтшы бір.
Жер тарпыған
Жабайы.
Жылқы болып қайтшы бір!



Пікірлер (2)

Айша

Күшті

Айша

@демі

Пікір қалдырыңыз

Аю

  • 0
  • 1

Сенген қайрат, күшіне
Қоңыр аю-қорбаңбай,
Жасыл тоғай ішінде
Жүреді еркін қорғанбай.

Толық

Табиғат тойы

  • 0
  • 0

Тағы келді,
Тағы келді бір көктем.
Сәби сәуір көтерілді жөргектен.
Ертеменен безілдеді,

Толық

Күз

  • 0
  • 0

Салқын сыз, дымқыл тұман соңында
Жылауық бұлттары бар қанат керген.
Күз келді мезгілінде арқа танып,
Күн бар ма байлығын ол тегін берген?

Толық

Қарап көріңіз