Өлең, жыр, ақындар

Мен көрдім аққудың жас көгілдірін

  • 03.11.2021
  • 0
  • 0
  • 658
Мен көрдім аққудың жас көгілдірін,
Өзгертті құс-­періште өмір нұрын.
Адасып қалған құсым табылғандай,
Тамылжып жас күнімдей төгілді үнім.
Жайнады кездесуді несіп етіп,
Ойнады құс қамысты кешіп өтіп.
Салғанда салтанатты саңқылына,
Кең дала жайнап жатты есі кетіп.
Қайтейін құс әніне көне бермей,
Тыңдадым Би­-Фатима жебегендей.
Жас аққу Қыз Жібектей көз арбаса,
Мен тұрдым мейірі қанған Төлегендей.
Серпілді құс патшасы сезім жеңіп,
Желпінді қос қанаты жеңілденіп.
Мойнына осындайда оралсамшы
Жайқалған жас қамыстай өрімделіп.
Кім сүймес қимай қарап танығанды,
Мезетке мерекелі жаны қанды.
Құс кетті, қызық өтті, дала тынды,
Жүректе мәңгі өшпес әні қалды.

2009



Пікірлер (0)

Пікір қалдырыңыз

Жезкиікпен сырласу

  • 0
  • 0

Жезкиікпен сырласу
Балғын күнде бал жүзіңе табындым,
Көптен көрмей, енді есімнен жаңылдым.
Кәкімбек Салықов

Толық

Қарағанды орнатты жаңа ескерткіш

  • 0
  • 0

Қарағанды орнатты жаңа ескерткіш
Баяғыда Сәтбаев дараланды,
Одақтағы ең үлкен бағаны алды.
Кәкімбек Салықов

Толық

Еркеғалидың монологы

  • 0
  • 0

Жер құтты біздер жаралған,
Тел өстім дала желімен.
Аққуға қарап таранған
Ән тердім Балқаш көлінен.

Толық

Қарап көріңіз

Басқа да жазбалар