Өлең, жыр, ақындар

Жылашар

  • 23.05.2019
  • 0
  • 0
  • 1090
Отанның дүрс-дүрс соққан жүрегінен —
Москва, мәңгі тірек Кремльден,
Куранттар сыңғырының арасынан
Жылдардың сан кіргенін білемін мен.
Ол жылдар жатыр менің қанымда ойнап,
Ағады өмірімді қалың бойлап.
Күмбездей жарқыраған күндері оның
Бақыттың қуаныштың бәріне айғақ.
Ал міне келе жатыр жыл жаңасы,
Оранып жалаулар мен туға басы!
Есімі — мың тоғыз жүз жетпіс алты —
Сықасқан миллион состав сыбағасы.
Бастаушы бесжылдықтың бел тұңғышы,
Сезіліп анадайдан серпін күші,
Сеніммен келеді аттап, әр адымын,
Секілді алған еркін ел тынысы.
Оң сапар!
Маңдайында он саны бар!
Сен оны сергек танып, болсаң ұғар, —
Елу жыл бесжылдықтар туғанына
Толатын тойдың ұлы қарсаңы бар.
Ғажайып келбетіне кескін бұрсаң —
Көзіңе тағы әнекей түсті бір сан!—
Жиырма бес!
Партияның съезі — ол,
Осынау бес жылдықты іске қосқан.
Жол болсын, мың тоғыз жүз жетпіс алты,
Жалғассын жеңістердің жақсы салты!
Қарсы алды қанатыңнан сүйіп сенің
Қаһарман, қайратты Отан, Совет халқы!



Пікірлер (0)

Пікір қалдырыңыз

Жақсы өлең

  • 0
  • 0

— Қалайын бір тыныстап,
Жазшы, құрбым, жақсы өлең!
— Тұрсың қызыл гүлге ұқсап,
Жыр асып па нақ сенен?!

Толық

Еске түсіру

  • 0
  • 0

Келе жатыр шіркін шілде таңы атып,
Бірте-бірте тіршілікті оятып,
Үй алдында қайрап қойған шалғының
Жүзін нұрға, ал қызылға боятып.

Толық

1954 жыл

  • 0
  • 0

Ұлы адам! Енді қалам, сыяменен,
Қуат ап құдіретіңнен құям өлең.
Кеудемнен көтерілді дауылды күш
Өзің боп ойы биік, қыялы өрен.

Толық

Қарап көріңіз