Өлең, жыр, ақындар

Достық, туысқандықпен

  • 25.05.2019
  • 0
  • 0
  • 5563
Достық, туысқандықпен
Татулық, жомарт пейілді,
Қашаннан жүрек, жан күткен —
Махаббат, ықылас, мейірді.
Адамның асыл кездері
Осыларменен білінбек.
Шуақтай майда сөздері,
Жүздері тұрса күлімдеп.
Қиянат, қисық, қыңырлық
Мінезге түскен дерттерден
Арылып адам, жуынып,
Айнымай тұрса көктемнен.
Күншілдік, қулық, залымдық,
Арамтамақ, масылдық
Адамнан тартып алынып,
Ауаға кетсе шашылып.
Шіркін-ай, таза еңбекпен,
Өмірін тұрса көбейіп!
Осынау күнді қол жеткен
Рахат демей не дейік!
Жоспарда бүгін кездестім
Осынау жаңа адаммен,
Сол үшін деймін өлмеспін,
Сол үшін жырлар жазам мен!



Пікірлер (0)

Пікір қалдырыңыз

Жер астындағы жұлдыздар. 1965 жыл

  • 0
  • 0

Атқан таң әсем бүгін. Ауа қандай!
Алаптан аңқып жұпар тарағандай.
Тап-таза аспан үстен төңкерілген,
Ақ бұлт та көк айнасын аяғандай.

Толық

Сырласу

  • 0
  • 0

Уа, тағдыр, таңнан тұрып бердім сәлем,
Бір сенің қарауыңда бүкіл әлем.
Солардың адал туған біреуі едім
Демейтін мынау түген, мынау пәлен.

Толық

Бауырсақ

  • 0
  • 0

Төгіп жатыр
Пейілі мен жанын сап.
— Келмейсіңдер,
Осыншама сағынсақ! —

Толық

Қарап көріңіз