Өлең, жыр, ақындар

Амудария келе жатыр

  • 25.05.2019
  • 0
  • 0
  • 1058
Өркеш-өркеш құмдарына
Күн қонатын — қызыл шатыр.
Қу, шөлейтке, қырға мына,
Бір дария келе жатыр,
Қара, Ашхабад!
Өмір, өмір, қайран өмір,
Бу боп шалқып, су боп ойнап,
Ол ойнаса, жайнап өңір,
Тулап толқын канал бойлап
барады, Ашхабад!
Бар түрікпен бөркін алып,
Лақтырады көк аспанға,
Құм кеудесін серпіп ағып
Су өзіне жол ашқанда,
қуан, Ашхабад!
Қарау үшін сұлу жарын
Бой созады шынар құмнан,
Көл боп келед, сел боп келед,
Сен деп келед, шық алдынан
жылдам, Ашхабад!
Тіреп тұмсық Копетдагқа,
Жайып шашын жатпақ ару,
Безеп бойын гүлді баққа,
Қалды артта қала Мару,
жолды аш, Ашхабад!
Келе жатыр көк дария
Өріп толқын — жас баласы,
Құттықтаймыз, уа, қария,
Түрікпеннің астанасы,
Әрі әсем жас қаласы,
жолдас Ашхабад!



Пікірлер (0)

Пікір қалдырыңыз

Астана таңы

  • 0
  • 0

Алатауды көрдің бе, дос, алабүйрек таңдағы,
Бұлт үстіне қонған бүркіт, — деп қаласың Талғарды.
Ақторғын бұлт жел көтеріп желегіндей жеңгенің,
Елестетер жерден ұшқан көк аспанның белбеуін.

Толық

Гүлнар-апа

  • 0
  • 2

Мен атыңды бала кезден естідім.
Содан бері жоқ ұмытқан еш күнім.
Тағдыр-дауыл қоймай қуған қаңбақтай
Көз алдымда тұрды сенің кескінің.

Толық

Жай қанатыңды, серме, Қазақстаным!

  • 0
  • 0

Жай қанатыңды! Сермеші, Қазақстаным!
Күн жаңа туды!
Кернеші аспан тұстарын.
Әуе батыры - Әубәкірұлы арқылы

Толық

Қарап көріңіз