Өлең, жыр, ақындар

Би

  • 28.05.2019
  • 0
  • 0
  • 1463
Қыз тудың, атын Дили деп қойдым,
Ержетті Дили, ұқсады саған.
Дилижан қызым, мерекем, тойым,
Екінші биыл класқа барған.
Көрген жан оны тастамайды естен:
«Жұлдызды қыз боп, туған - ақ шіркін,
Әдебі әсем, көркем боп өскен.
Шешесі бейне тұлғасы бүтін
Келгенде мейман анада бізге, Ойнады Дили,
Биледі биді.
Түсірді еске, әкелді көзге
Алыс бір жырды, таныс бір күйді.
Ішінде біздің шап-шағын үйдің.
Назданып маған дұтарды беріп,
Деуші едің: «тартшы
«Гүлбахар» биін!»
Ойнадым күйді, дірілдеп иық,
Білегіңді иіп, құлпыра түстің.
Сытырлап саусақ нәзік те сүйрік,
Майысып гүлдей, құстай боп ұштың...
Алдында мейман биледі Дили
Толтырып күйге ішін бір үйдің.
Көрінді маған жастық шақ біздің,
Көрінді маған сол гөзәл биің.
Өкінем кейде, өткенге ой тастап:
Дилидей көріп жүрдім бе сені?
Дилидей мәз ғып, төбеме ұстап,
Дилидей ыстық сүйдім бе сені?!



Пікірлер (0)

Пікір қалдырыңыз

Ешкіөлмес

  • 0
  • 0

Матайдың үш бұрышты тауы маңғаз,
Босамас омырауы жауыннан жаз.
Оң жақта оқшырайып Қоңтәжі тұр
Бәрінен озық шыққан бойына мәз.

Толық

Ауылым

  • 0
  • 1

Торғайдың сонау көне қаласынан
Көп емес, он шақырым шамасынан.
Шығатын Қостанайға қара жолдың
Сағымды орын алған сағасынан.

Толық

Алаңнан сөйлеп тұрмын мен

  • 0
  • 0

Астанам туға бөленген,
Аспаным шұғыла жамылған,
Алаңға беттеп келем мен
Октябрь күнін сағынған.

Толық

Қарап көріңіз