Анар Шамшадинова

Сағынышты уақытпен жуа алмадым

Қазақша өлең мәтіні, өлең жолдары және толық нұсқасы.

03.06.2019
0
0
3010

Сағынышты уақытпен жуа алмадым,
Шырынына шабыттың жұбанғаным.
Бәрі сенің қолыңда білесің бе?
Өлеңім де, күлгенім, қуанғаным.
Азық етіп әлі де ақ таң барын,
Ұшты-күйлі бақыт іздеп аттанғаным.
Бәрі сенің қолыңда неге екені?!
Сәттілік те, сәтсіздік, шаттанғаным.
Сөзін алмай алдымда ұлы ағаның,
Күлкілерді тәрк етіп жылағаным.
Бәрі сенің қолыңда, сенің ғана,
Сүрінгенім, сынғаным, құлағаным.
Сен жүргенде қиялдың түстілігі,
Сенсіз іңкәр көңілдің ұшты гүлі.
Мен күңіңе айналсам, қайран қалма,
Ол – сүйікті Алланың күштілігі.

Анар Шамшадинова сағыныш уақыт сағынышты уақытпен жуа алмадым Анар Шамшадинова өлеңдері

Пікірлер (0)

Пікір қалдырыңыз

Жиі қойылатын сұрақтар