Өлең, жыр, ақындар

Қарашада қар жауған

  • 03.06.2019
  • 0
  • 0
  • 2275
Қыс келмей-ақ қар жауып, қарашада,
Алматыны бір суық шыр айналып.
Сезім өліп, қалдығы тараса да,
Мәні өмірдің бір саған тұр байланып.
Қалтырады жас қайың, таңданды да,
Қабіріне сезімнің көк гүлденген.
Құзғын ашкөз пиғылмен қамданды да,
Сорлы дала сонда да жоқ үндеген.
Жалғыздық тұр жібермей, құша басып,
Көңілімді жып-жылы қалады ма?!
Құштарлығым өзіңмен ұша қашып,
Жүрек жылар, айналып қаралыға.
Қош, сүйіктім, қоштасу бізге мәлім,
Енді сенсіз тозақтан бетер түндер.
Тайқы тағдыр, келмейді сізге әлім,
Қолымды алмас көңілсіз өтер күндер.
Қоштасамын, мұң ғана бақ-тұрағым,
Сатқындыққа қаталдық жараса ма?
Тәтті шақтың тамтығын лақтырамын,
Қыс келмей-ақ қар жауып қарашада...



Пікірлер (0)

Пікір қалдырыңыз

Алпыстың асыққанда асқарына

  • 0
  • 0

Алпыстың асыққанда асқарына,
Ақ кірді жылдарменен шаштарыңа.
Туған күн құтты болсын, ардақты ана,
Бақытты өмір кешкен шақта мына.

Толық

Аға

  • 0
  • 0

Тал бойымды талдырып таң ызғары,
Қайталанып тағдыры сан қыздардың.
Сағындырмай, ешкімді сағына алмай,
Аға, бүгін тағы да жалғыз қалдым.

Толық

Өзіне өзі жұт пенде

  • 0
  • 0

Өзіне өзі жұт пенде,
Бақыты келмес күткенде.
Ертеңің сенің не болмақ,
Ертегің енді біткендей.

Толық

Қарап көріңіз