Өлең, жыр, ақындар

Жүсіпбек Аймауытов

  • 09.06.2019
  • 0
  • 0
  • 2855
Сегіз қырлы бір сырлы дарын едің,
Қадірлеген ардақтап қалың елің.
Ұрпақ үшін кеудеңді отқа малып,
Жырларыңмен халқыңа жалын бердің.
Жарқ еттің де жауыңа от шашқандай,
Елдің сырын ішіңе бүгіп қалмай.
Ұран салып шақырдың талқандауға,
Бодандықтың бұғауын қанат талмай.
Тонау үшін елімді айла құрған,
Жау да сенің сескеніп айбарыңнан.
Тау құлатар қуатты ағысыңа,
Табылар ма бөгет- деп, қайран қалған.
Жанықты олар іздеумен бар амалын,
Қамау үшін дайындап тас қамалын.
Көнбесіңді оған да білгеннен соң,
Атып тынды өзіңді ақсұңқарым.
Намысыңның таптатпай ірге тасын,
Сен ақтадың бабалар ақ батасын.
Тастап кеттім сендерге аманат - деп,
Күнде маған көгімнен тіл қатасың!



Пікірлер (0)

Пікір қалдырыңыз

Қара нар

  • 0
  • 0

Ассалаумалейкум!
Мұнайдан өскен киелім,
Кеудемдегі күмбірлеген күй ме едің,
Сәлемдерін қарттарымның арқалап,

Толық

Жұмабек Тәшенов

  • 0
  • 0

Менің елім шын құдірет емеспе,
Қанша қырғын кешті бастан егесте.
Азап көрді, қуғын көрді сұрапыл,
Бәрі, бәрі сақталар-ау мәңгі есте.

Толық

Бұғыбай ата үні

  • 0
  • 0

Биік ұстап имандықтың ар әнін,
Жолдар кезіп Меккеге сан барғанмын.
Сансыз кітап арқаладым сен үшін,
Келер ұрпақ үміт артар арманым.

Толық

Қарап көріңіз