Өлең, жыр, ақындар

Майра Мұхамедқызы

  • 09.06.2019
  • 0
  • 0
  • 2249
Жүзе біліп ағысы мол тереңді,
Қазақ қызы мойындатқан әлемді.
Ой салады еріксізден жаныңа,
Пейілі оның айтшы неткен кең еді.
Өшпейтұғын өнерінің шуағы,
Жалын өріп жаныңа нұр құяды.
Бұлбұл қылып жаратқанба Тәңірім,
Қуантуға Отан-Ана ұямды.
Сыр ақтарып ұлы көштен өткеннен,
Ол өткен ғой небір асу өткелден.
Таңданасың өрлігіне арудың,
Қайсарлықпен қиындықты қақ тілген.
Елемейтін жердің жақын алысын,
Шалсаң түнде эфирлердің ағысын.
Алаш үнін асқақтатқан биікке,
Сен естисің оның аққу дауысын.
Жүрсем дағы еленбестен қиянда,
Бар үмітім ұлт намысым Тұранда,
Қазағымды мойындатқан әлемге,
Әнші Майрам сірә есімнен шығарма!



Пікірлер (0)

Пікір қалдырыңыз

Арыс баба үні

  • 0
  • 0

Ерлігімнен өшпейтін көздеп белгі,
Жырларыңмен тербетіп іздерімді.
Тебіреніп келдіңбе ақын балам,
Сағыныштан сарғайып іздеп мені.

Толық

Арыстары Алаштың

  • 0
  • 0

Ой сананы кейде тоқтық басқандай,
Өздеріңді сәл ұмытсам еске алмай.
Әруақтар алдында бұл күнә деп,
Бабаларым айхай салып ұрсардай.

Толық

Абай бабам

  • 0
  • 0

Абай бабам! Киелі пірім менің,
Адамзатқа нұр төккен күнім бе едің?!
Шуағыңды ала бұлт тұмшаласа
Боз торғайдай мұз кешкен дірілдедім.

Толық

Қарап көріңіз