Көкем қайтқан жыл - 1981

Бұл бетте «Көкем қайтқан жыл - 1981» атты Светқали Нұржан жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 16.06.2019
  • 0
  • 0
  • 1817
Оралып шалғайыңа күйіп-жанып,
Сөз тыңдап отырушы ем иім қанып...
Серпілген қабақтарың енді менің
Кетпейді қиялымды қиырға алып...
Қырқаға тіреледі соқпақ-ағын,
Сол жерден елесіңді жоқтағамын.
Бөлініп ақ қаладан керуен боп,
Бірі боп қала бердің көп моланың.
Қайық сап дарияға өткелі жат,
Бөліндің үйіріңнен шетке жырақ.
Көзіңнен өлерінде тамған тамшы
Тұрады өзегімде ... кептеліп ап.
Жоғалттым, көке, мәңгі биыл сені,
Сан айтқан "тие берсін" бұйырса еді...
Тірейді қиялымды молаға әкеп,
Шешілмес жіп-соқпақтың түйіншегі...
Үйлердің қызартқанда шекесін от
Ай тумақ — отар-бұлттың текесі боп...
Бір байғыз сұңқылдайды бейіт жақтан,
Байғұс-ау ол да мендей — көкесі жоқ.
Өзіңнен қонған әдет кішкенеден,
Күрсін боп қайта шығад іштегі өлең...
Көрпеге исің сіңген —
Жасым жұғып,
Сен жүрген көп соқпақты түсте көрем.
Боласың соңыңа ертіп ала кетпек,
Қиналам,
Қарсылық қып саған ептеп:
"Түсімде түсіп алған соқпағымды,
Өңімде жалғап кетсем жарар ед" — деп.


Пікірлер (0)

Пікір қалдырыңыз

Жиі қойылатын сұрақтар

Көкем қайтқан жыл - 1981 өлеңінің авторы кім?

Светқали Нұржан — осы өлеңнің авторы.

Көкем қайтқан жыл - 1981 өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Көкем қайтқан жыл - 1981 өлеңі не туралы?

Бұл өлеңде Светқали Нұржан өз ойы мен сезімін көркем түрде жеткізеді.

Көкем қайтқан жыл - 1981 өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері