Светқали Нұржан

Көктемгі елес туралы ән

Бұл бетте «Көктемгі елес туралы ән» атты Светқали Нұржан жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

20.06.2019
0
0
1695

Көбелектің қанатынан гүлдегі
Көйлек киіп өттің алдымнан.
Сенің Нұрың нәзік үн боп күлгелі
Серпілгендей көк тұман қырдан.
Сенің Нұрың нәзік үн боп күлгелі,
Шәлісін бұлт ілді құздарға.
Басу айтты кәрі ағаштың бүрлері
Таңдай қата сүңгі мұздарға.
Басу айтты кәрі ағаштың бүрлері,
Дауысы оның өлеңде қалды:
"Оттай жылы,
оқтай өткір үндері –
Көксіл Елес, сен өлме мәңгі..."
Оттай жылы, оқтай өткір үндері —
Елес нұры тылсымнан құйып —
Тірілтеді көктем сайын Нұр мені,
Көктем сайын қыршыннан қиып.
Тірілтеді көктем сайын Нұр мені,
Кеткенше ертіп моладан жол кеп.
Тілек айтам жұлдыз аққыш түндері:
"Көкшіл Ажал! — Сен аман бол!.." — деп...

Светқали Нұржан көктем елес ән көктемгі елес туралы ән Светқали Нұржан өлеңдері

Пікірлер (0)

Пікір қалдырыңыз

Жиі қойылатын сұрақтар