Өлең, жыр, ақындар

Серт

  • 28.06.2019
  • 0
  • 0
  • 2920
Қылыш бол алмас жүздi, асыл жiгiт,
Түсiрер қас жауының басын жұлып.
Бiздерге жасық болу жараспайды,
Исатай,
Досан жерiн басып жүрiп.
Жалын бол лапылдаған, асыл жiгiт,
Өнерiңмен Қаратау тасын жiбiт.
Күй болып күмбiрлемеу жараспайды,
Құрманғазы,
Есiр жерiн басып жүрiп.
Өмiрдiң өр шыңына ғашық жiгiт,
Буырқанған теңiздей тасып жүрiп.
Отты жыр жазбау әсте жараспайды,
Махамбет,
Абыл жерiн басып жүрiп.
Бабалардың үнiнде өктем дыбыс,
Бостандықты аңсаған неткен тыныс.
Асылдарды алға алып бара алмасақ,
Масылдарды көбейтпей онда өмiрден,
Ертерек кеткен дұрыс!



Пікірлер (0)

Пікір қалдырыңыз

Ән

  • 0
  • 1

Ойын, қырын, адырын,
Құшқың келіп жүресің.
Досым, елдің қадірің,
Алыс жүрсең білесің.

Толық

Кім дейміз?

  • 0
  • 0

Самалының лебінен аққан нұр,
Көшелерін жасыл-желек жапқан кіл.
Он қалаға татитұғын бір қала,
Сарыарқадан соққан кім?

Толық

Аңсады сені, сағынды жүрек

  • 0
  • 0

Аңсаймын қырды желпіп бір самал өткенде,
Аңсаймын сырды құрбыға шертер көктемде.
Кездескендердің бәрін де құшсам деп жүрмін,
Жатсыну деген жоқ менде.

Толық

Қарап көріңіз