Өлең, жыр, ақындар

Дала өсиеті

  • 28.06.2019
  • 0
  • 0
  • 976
Құздардан құлдилап құлаңдар,
Биікке самғауды сұраңдар.
Ей, жастық, мұзбалақ қырандар,
Кеудемде сендерге арнаған,
Әлі ешкім айтпаған бір ән бар.
Нөсердей толассыз құйыңдар,
Найзағай отындай қиыңдар.
Ей, жастық, қуатты құйындар,
Кеудемде сендерге арнаған,
Әлі ешкім тартпаған күйім бар.
Мөп-мөлдір бұлақтан қаныңдар,
Теңізден маржандар алыңдар.
Ей, жастық, ып-ыстық жалындар,
Кеудемде сендерге арнаған,
Әлі ешкім татпаған балым бар.
Мен сені сұңқар ғып ұшырам,
Мен сені тұлпар ғып өсірем.
Мас болсаң жас қой деп кешірем,
Кешірмен...
Қалсаң сен өмірдің көшінен,
Атыңды біржола өшірем.



Пікірлер (0)

Пікір қалдырыңыз

Білмеймін...

  • 0
  • 0

Білмеймін...
Өңім бе екен, түсім бе екен,
Баурадың кереметтей күшіңменен.
Сен әлде алмасың ба желінбеген,

Толық

Қазақ елі

  • 0
  • 0

Өткен мыңжылдық,
Бізге не берді?
Талай қынжылдық,
Талай көгердік.

Толық

Өмірде

  • 0
  • 0

Өмірде
Не болмайды дейсің:
Шығуын шығып биікке,
Басы айналып, құлайтындар да болады.

Толық

Қарап көріңіз