Өлең, жыр, ақындар

Батыр баба Бауыржан

  • 02.08.2019
  • 0
  • 0
  • 12749
Бауыржандай батыры бар ел мықты,
Сондай батыр табан басқан жер мықты.
Бар әлемге қазақ атын паш етіп,
Ұрпағына мирас еткен ерлікті.
Жауларына жай оғынан от алды,
От алды да, қорғап қалды Отанды.
Сарбаздарын жеңіс күнге жеткізіп,
Халықының қаһарманы атанды.
Зор даңқымен өтіп мына өмірден,
Өшпейтұғын орын алды көңілден:
Көшелерге, мектептерге, ауылға...
Бауыржан деп, батыр аты берілген.
Бауыржан деп самал жел де осы күн,
Қас батырдың қайталайды есімін.
Бауыржан деп баласына ат қойып,
Аналар да тербетеді бесігін.
Астанада аялы аспан астында
Бой көтеріп кереметтей тас тұлға,
Мәңгі тірі Бауыржанға айналды,
Мақтаны боп кәрінің де, жастың да.
Қатар қойып, шындығына нансаңыз,
Ол – бүгінгі Қобыланды, Алпамыс.
Жалын құйған жүрегіне жастардың,
Бауыржанға бас иеміз баршамыз.



Пікірлер (0)

Пікір қалдырыңыз

Түлкі мен есек

  • 0
  • 0

«Қайдан жүрсің, қалқан құлақ ақылдым?» –
Түлкі Есекке сұрақ қойды ақырын.
«Арыстандай батырдың
Қор болғанын көріп келе жатырмын:

Толық

Әдептілік әліппесі

  • 0
  • 0

Асыл сөз
Атам менің әманда
Әдепті жан бол деген.
Абдрахман Асылбек

Толық

Барады күндер өтіп

  • 0
  • 0

Күндер өтіп барады, күндер өтіп,
Тәтті ұйқыға бөленген түндер өтіп.
Көпшіліктің көңілін күпті етуде
Күйкі тірлік күнделік діңкелетіп.

Толық

Қарап көріңіз