Өлең, жыр, ақындар

Мұңайма

  • 03.08.2019
  • 0
  • 0
  • 1954
Анау әйел түрімен
Көрікті деп мұңайма.
Талай ерді тілімен
Ерітті деп мұңайма.
Талай ерге наз күліп,
Құшағына енгені –
Желігінің жеңгені.
Анау әйел алтынды
Тақты екен деп мұңайма.
Байдан шығып, әркімді
Тапты екен деп мұңайма.
Әдіре қап мекені,
Әлде кіммен жатқаны –
Аттап адал некені,
Зор күнәға батқаны.
Анау әйел баланы
Таппады деп мұңайма.
Тапқанымен саналы
Бақпады деп мұңайма.
Бала бақпай,
Жыртақтан
Жоғалтқаны ақылын.
Болашақтан – ұрпақтан
Қалғаны құр мақұрым.
Басқалардай сымбатты
Емеспін деп мұңайма.
Еріңе шын қымбатты,
Көріктісің былай да.
Сұлулығың,
Аруым,
Таза арың мен ісіңде.
Құрметтейді қауымың
Сені соның үшін де.



Пікірлер (0)

Пікір қалдырыңыз

Мысықай мен қараторғай

  • 0
  • 0

Қараторғай тұратұғын үйде бір,
Онша емес-тін күйге бұл;
Алайда ол пәлсапаға жетік-тін,
Мысықаймен тату еді бұл өзі.

Толық

Мысық пен бүрге

  • 0
  • 0

Ерте, ерте, ертеде,
Әйтеуір, бір өлкеде,
Жүні жібек үлпілдек,
Бүйірі тоқ бүлкілдек,

Толық

Қазағым

  • 0
  • 0

Айбарлы, азат,
Айналдым қазақ
Елімнен.
Халқыма қалқан,

Толық

Қарап көріңіз