Өлең, жыр, ақындар

Айсұлу

  • 04.08.2019
  • 0
  • 0
  • 4734
Айсұлу,
Айдай сұлу ақ реңді,
Күніне қырық құбылған лағыл өңді.
Сырнайдай сыңғырлаған үніңді естіп,
Жанғандай болды жастық бағым енді.
Айсұлу,
Айдай болып жаралдың да,
Әлемге ақ нұр болып таралдың ба?
Сүйкімді, сірә, сендей болар ма екен
Монтаны ерке лағы маралдың да?
Айсұлу –
Сиқыр сымбат, келіскен өң,
Әлде бір ақ сағымдай періште ме ең?
Айрықша жаратылған ай жүзіңе
Телмірмей өткен жанды кеміс дер ем.
Айсұлу,
Әрбір сөзің – ақылдылық,
Бойыңда қанша кербез жатыр қылық.
Желпінтіп, желіктіріп желөкпені,
Еріксіз жібересің ақын қылып.



Пікірлер (0)

Пікір қалдырыңыз

Дәніккен Данай

  • 0
  • 0

Данай шикізат дайындайтын,
Еш нәрседен де тайынбайтын.
Түйені түгімен,
Биені бүгімен

Толық

Ойнашы, сыбызғы

  • 0
  • 0

Сыбызғы, әсем әуен ойнашы бір,
Қуалап қайғы-мұңды қайдағы бір.
Жаныма жан рахат нұрын сеуіп,
Есіме түссін жайлы жайдары жыр.

Толық

Артықшылық

  • 0
  • 0

Сабын үшін жұлқысып,
Бір-бірімен қырқысып,
Жатқан жұртты көрді де,
Бір жас жігіт келді де,

Толық

Қарап көріңіз