Өлең, жыр, ақындар

Түсіме жиі енетін болдың

  • 05.08.2019
  • 0
  • 0
  • 1465
Түсіме жиі енетін болдың,
Көмескі түрде көретін болдым.
Төркіндеп кеттің, еркіндеп кеттің,
Құсадан жүдеп, өлетін болдым,
Қалқашым, қашан келетін болдың?
Келіпсің деймін түсімде бірде,
Барасың, топтың ішінде бірге.
Шақырған кезде бұрылып едің,
Танымай қалдым түсіңді мүлде,
Жаралы бетің ісіңкі түрде.
Түсімде сені тағы да көрдім,
Өлген бір жанның жанында көрдім.
Итеріп қолын, сытылып кеттің,
Менде оған: «Кет!» – деп, шабына бердім,
Оянып, сені сағына бердім.
Түсіме жиі кіретін болдың,
Бірақ та, сирек күлетін болдым.
Төркіндеп кетіп, еркіндеп кетіп,
Сағынтып мені жүретін болдың,
Бағаңды артық білетін болдым.

8.12.2001 ж.



Пікірлер (0)

Пікір қалдырыңыз

Ана тілін білмеймін

  • 0
  • 0

Ана тілін білмеймін,
Баба тілін білмеймін.
Қасиетті халқымның
Дана тілін білмеймін.

Толық

Асыл жарым, қасыңдамын

  • 0
  • 0

Асыл жарым, алыста жүрсем де, қасыңдамын,
Аяулым-ау, өзіңе жеткенше асығамын.
Тынысым да сенсің,
Ырысым да сенсің.

Толық

Алматы – гүл қала

  • 0
  • 0

Қанат жайған көсіле,
Алатаудың төсіне.
Алматыны атасаң,
Алма түсер есіңе.

Толық

Қарап көріңіз