Өлең, жыр, ақындар

Тәбет пен әлек

  • 21.08.2019
  • 0
  • 0
  • 1018
Көңілің неге шапса,
Тәніңнің емін тапса –
Ол дегенің тәбет.
Суды да аңсап ішсең,
Бал сынды тамсап ішсең –
Ол денегің тәбет.
Біреуді сүйіп қалсаң,
Басыңды иіп қалсаң –
Ол дегенің тәбет.
Біреуді аял болсаң,
Көмекке даяр болсаң –
Ол дегенің тәбет.
Сырқатқа жәрдем берсең,
Сөзіңмен дәрмен берсең –
Ол дегенің тәбет.
Үлкенді сыйлай білсең,
Ақылын тыңдай білсең –
Ол дегенің тәбет.
Кішіге пана болсаң,
Ақылшы аға болсаң –
Ол дегенің тәбет.
Жақсы ойды оқи білсең,
Көңілге тоқи білсең –
Ол дегенің тәбет.
Талантты тани білсең,
Талаптың дәмін білсең –
Ол дегенің тәбет.
* * *
Кей дәмді бал десе де,
Тәніңе нәр бермесе –
Ол дегенің әлек.
Біреуді ұнатпасаң,
Жанынан жырақтасаң –
Ол дегенің әлек.
Кейбіреу жағынса да,
Ойыңнан табылмаса –
Ол дегенің әлек.
Кейбіреу жалған күліп,
Жүрсе тек алдандырып –
Ол дегенің әлек.
* * *
Кей тұста жалған тәуіп
Төндірсе жанға қауіп –
Ол нағыз нәлет!
Кей сорлы діннен безсе,
Аналық тілден безсе –
Ол нағыз нәлет!
Кей сұмпай ұлтын сатса,
Туған ел, жұртын сатса –
Ол нағыз нәлет!



Пікірлер (0)

Пікір қалдырыңыз

Сергелдең

  • 0
  • 0

Болмаған соң бойда жігер, қаруың,
Қырсыздықтың таттың талай зәр-уын.
Кімге керек іштен тынып жануың?
Әлдекімнің артық санап аруын,

Толық

Шыбын мен ара

  • 0
  • 0

Бақ ішінде, көктем келген заматта,
Бір жіңішке сабақта
Тұрған Шыбын тербеліп,
Көріп гүлден Араның нәр тергенін,

Толық

Бір арман

  • 0
  • 0

Бұл өмірге,
Гүл өмірге келіп ем,
Есігінен ерке басып еніп ем.
Көп жасадым,

Толық

Қарап көріңіз

Басқа да жазбалар