Өлең, жыр, ақындар

Зауал

  • 25.08.2019
  • 0
  • 0
  • 1641
Әлдеқандай сұмпайы
Бір жігітке жүрді сырттай өшігіп,
Көзін құртпақ, атын мүлде өшіріп,
Келе қалса ыңғайы.
Ұстап алып бірде улы жыланды,
Шалажансар мас қылып,
Сол жігіттің төсегіне сұм әлгі
Салып кетті қас қылып.
Ол осылай тапты айла:
«Түнде жігіт жатпай ма?
Жылынған соң бойы анық,
Жылан жылдам оянып,
Қасындағысын шақпай ма?
Қас қағым сәт өтпей-ақ,
Атар таңға жетпей-ақ,
Жігіт арам қатпай ма?»...
Таң атқанда сібірлеп,
Сұмпайы жан күбірлеп,
Жігіт өліп қалды деп,
Тілек орындалды деп,
Үйге кіріп келгенде,
Шошып кетті ол демде:
Құдай қалай сақтаған?
Жігіт әлгі бейкүнә
Балқып жатыр ұйқыда, –
Жылан оны шақпаған.
Сұмпайыны көре сап,
Болғандайын зәрезап,
Жылан көзден от өрді,
Басын тіктеп көтерді,
Содан кейін шап етіп,
Сұмпайыға атылды.
Құлады ол жалп етіп –
Шаққан еді пақырды.
Жетті ақыры түбіне
Өзі ойлаған зұлымдық.
* * *
Уа, достым,
Бұл мысалға үңіле,
Адалдыққа жүгіне,
Әділдіктің туын тік.



Пікірлер (0)

Пікір қалдырыңыз

Кешірім

  • 0
  • 0

Ата менен ана
Өзі тапқан бала
Қателіктер жасап,
Келтірсе де нала;

Толық

Тіл қатады шөптер де

  • 0
  • 0

Арайланған таңдарда,
Шықшы, қалқам, аңғарға.
Самал желмен тербеліп,
Тіл қатады талдар да.

Толық

Тамаша-думан

  • 0
  • 0

Көз жіберіп қарасаңыз,
Биіктеген аласамыз.
Бүгінгі күн – мерекеміз,
Тамашамен жарасамыз.

Толық

Қарап көріңіз