Өлең, жыр, ақындар

Қолдаушы

  • 25.08.2019
  • 0
  • 0
  • 956
Кездесіп, қол алысып,
Былай деді танысым:
«Осы сенің керемет
Қолдаушыңның бары шын.
Қашан көрсем, жұмыстан
Ауысасың жұмысқа.
Әрине, өсіп кетесің,
Осынысы дұрыс та.
Көрген адам: «Сіз! – дейді,
«Құп аламыз біз», – дейді.
Сен іздемей жұмысты,
Жұмыс сені іздейді.
Ал, бірақ та, басқалар,
Кеуде соққан қасқалар
Жұмыс іздеп сабылып,
Маңдайларын тас қағар.
Бары анық қолдаушың
Жұмыс тауып, жолдаушың.
Айтшы, достым, жасырмай,
Сонда, кім сол қорғаушың?»
«Достым, ұғып ал, – дедім, –
Адам емес әлде кім.
Қолдаушым да қорғаушым –
Жалғыз Алла жар», – дедім.
* * *
Баспақ болған мысымды,
Достым мені түсінді.
Өзі берген сұрақтан
Өзі қатты қысылды.



Пікірлер (0)

Пікір қалдырыңыз

Жолаушы

  • 0
  • 0

Еш нәре жоқ ойымда, жайбарақат жол еді,
Жолсерікпен шәй ішіп отырғаным сол еді.
Өте бердің қасымнан қас-қабағың қиылып,
Отқа түскен торғайдай кетті жүрек жиі ұрып.

Толық

Бұл өмір керек қылмас құлшылықты

  • 0
  • 0

Бұл өмір керек қылмас құлшылықты,
Сүйенген тіл-жағына жыршылықты.
Сол деп ұқ сөнбейтұғын тіршілікті –
Көгертіп қадап кетсең бір шыбықты.

Толық

Көлеңке

  • 0
  • 0

Осы менің неліктен тұзым жеңіл?
Бір көлеңке қалмайды ізімнен кіл.
Сонда-дағы тынбайды қызулы өмір,
Сонда-дағы сәулелі, түзу көңіл.

Толық

Қарап көріңіз