БІР АУЫЗ СӨЗ

Бір ауыз сөз
Жүрекке жарық боп жағылатын,
Қасірет қайғы мұңға батыратын.
Жетелеп алға қарай ұмтылдырып,
Сүйген жанға жетуге асығатын.
Бір ауыз сөз
Жаралының көз жасын тидыратын,
Қос жанарға әлемді сыйдыратын.
Шашырап көкте өрлеген жұлдыздардай,\
Ағайынның бастарын жидыратын.
Бір ауыз сөз
Көңіліңнің жан сырын ұқтыратын,
Жас жұбайдың өмірін құт қылатын.
Қозы менен Баяндай ғашықтарға,
Махаббаттың ауасын жұттыратын.
Бір ауыз сөз
Өрге шапқан бәйге атын оздыратын,
Сөз мергендей сайысқа түсер ақын.
Ұялаған көрініс мазаласа,
Ауыздыға табылар сөз қылатын.
Бір ауыз сөз
Сыртыңнан сүйікті етер,
Көре алмаған дұшпандар келеке етер.
Мөлдіреген маржандай жан дүниең,
Толқын айдап жатқандай тулап кетер.
Құдірет бар бір ауыз сөз астарында,
Дүр сілкінер шыбын жан қас-қағымда.
Асау аттай алысқа ауыздықпен,
Ізің қалсын ұрпаққа басқан құмда.

---