Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

qanatuly_nauryzbai

Теңеуім - табиғатым

Бұл бетте «Теңеуім - табиғатым» атты qanatuly_nauryzbai жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

qanatuly_nauryzbai
08.11.2019
0
0
10264

Сен мынау даладайсың құдды тұнық,
Тартатын жасыл желек құнықтырып.
Үнсіздікпен қабылдайсың мені ғана
Жатқанымда өзіндік сыр ұқтырып.

Қалдырған белгіңе сай ізіңдегі,
Жалғыз жол жайлаудағы өзіңбе еді?
Сақталғансың бір нүкте болып қана
Қарашықтың қарасы көзімдегі.

Сен ғаламның ғаламаты таудайсың,
Сұлулықпен көмкеріліп баурайсың.
Қанатсыз қалықтаған құлпыра
Арманыңмен биіктікті жаулайсың.

Кезіп жүрген төңіректі желдейсің,
Сан соқтырып самалыңмен тербейсің.
Шытымыр шымшымалы салқыныңмен
Жүрегімнің жан жарасын емдейсің.

Жүзіңнен байқағандай айды, күнді,
Ұмытамын жымиғанда қайғы-мұңды.
Табиғатты көмкерген шуағыңмен
Толтырғайсың көркемім айдынымды.

Сен менің құбылмалы ауа райым,
Бүгінімнен бөлектетіп даралайын.
Күзім, қысым, көктем, жазым мезгілді
Бір-бірінен қалай мен алалайын?!

Табиғатқа теңедім үміт құрып,
Жібердің өткенімді ұмыттырып.
Жазылған шығарманың шырмауы
Шығармаса болғаны күдікті қып...

махаббат туралы өлең Қанатұлы Наурызбай bilim2019 n_qanatuly #Қанатұлы_Наурызбай Теңеуім теңеуім - табиғатым qanatuly_nauryzbai өлеңдері

Пікірлер (0)

Пікір қалдырыңыз

Жиі қойылатын сұрақтар