Өлеңдер Бөлімі

Жүрек ойы

Ғұмыр кешкен, ей, адамзат, маған бір сәт қараңдар,
Бақыт деген баспалдақты бұл өмірде қалаңдар.
Ертең мүмкін «нұрлы жолдың» ақтық демі таусылса,
Дауа таппай кім іздейді, кім ойланып алаңдар?

Себебі, ол - тартыс толы түрленетін құбылыс,
Кішкентайдан бастайтындай үй секілді құрылыс.
Келе жатып, сонда кенет сүрінгенде тұра алсаң,
Құдай берген бұл ерекше дарынменен ұмтылыс.

Бағалай біл өміріңді, өнеріңді сондықтан,
Жақсы болсаң, шаңыраққа Қыдыр қонып, жолыққан.
Өзін әр кез жеңіп шығып, төтеп бере алғандар,
Көпті көріп, шыңнан биік шыныққан ғой жорықтан.

Көрмейсің бе, әлемдегі ең әйгілі тұлғалар,
Алғашқыда өмірі үшін жатпай-тұрмай қозғалар.
Кейін барып бар уақытын рахатына сарп қылып,
Көк аспаннан ағып түскен өз жұлдызын қолға алар.

Бұл өмірде мен айтатын кеңес әрі ой дана,
Сарқылмайтын рухыңменен күш-қуатың бойда ма?
«Мүмкін емес өмір сүру» деген сөзді айтам деп,
Жүрегімнің әміршісі ойлама, тек ойлама!


Қарап көріңіз


Пікірлер (0)

Пікір қалдырыңыз

×