Досыма хат – Алуа Іргебай

Қара сия, ақ қағаз
Хатты жазсаң досқа жаз.
Рухани жаңғырар
Дәл осындай достар аз!

"Жастар жылы" жалындап,
Әз досыма жаздым хат.
Дос тамыры тереңде
Дәнекері-ақиқат.

Сәлем саған сырласым,
Өзіңе айтар сыр басым.
Көңіл кілтін ашайын
Әзіз жүрек тыңдасын!

Бала шақтан болашақ,
Боз қоғамға жаралсақ.
Дем береді-игі іс
Кірпіші боп қалансақ!

Болайық біздер еңбекқор,
Еңбекқорға сенім мол.
Діттеген мақсат-мұратқа
Үш тілділік бағдармен
Білім-білік басты жол!

Білімге еш қанбайық,
Білім қуып самғайық.
Ұлық елдің ұланы
Алған беттен танбайық!

Ой салады осындай,
Ой-санамыз қосылғай.
Біздей достар көбейіп
Үзбей хаттар жосылғай!

Шабыт берер досымсың,
Ұлы сезім жосылсын!
Нағыз достық осылай
Еш қалтқысыз қосылсын!

Нағыз достар үнемі -
Жүрегіңнің кіл емі!
Әз жаныңа желеу боп
Ажырамас бір елі!

Жадымдасың жан досым,
Жаратқаным жар болсын!
Баға жетпес құндылық
Бағың тектес нар болсын!

*** *** ***

Тәуелсіз ел жастары -
Сүбелі сөз бастады.
Қыранша қанат қомдап
Алысқа көз тастады!

Шығарма шабыт бердің,
Шынарға бағыт бердің!
Шынайы жан досыңның
Шырайын танып-көргін!

Өлеңмен өріп көрдім,
Дегенмен, еніп көргін.
Өскелең біз ұланы -
Егемен ерікті елдің!

Айбарлы Алашымның,
Айналған Анашымның,
Достықтың дана сырын,
Өмірдің бар асылын
Байқатпай бойға тұтқан
Бармақтай баласымын,
Сәтбаев қаласының!!!