Өмір мәні

«Өмір деген не?»- деп бір ғалымнан сұрадым,
«Өмір деген- еңбек»,- деп берді маған жауабын.
«Еңбек – өмір, рас па?»- деп, сауал қойдым тағы да,
Жымиып бір күлді де, жақындады жаныма.

Өмір деген - қайғы менен жұбаныш,
Өмір деген-бақыт пенен қуаныш.
Қамшының сабындай ғана қысқа дүние,
Бұл әлемде бәріміз де қонақпыз.

Өмір ол тақтайдай тегіс емес,
Болар алда әлі де талай белес.
Өмір- өзен ағыны тоқтамайтын,
Тек мүмкіндік қайтадан оралмайтын.

Еңбек қана апарады ұлы атқа,
Еңбек қана жеткізеді мұратқа.
Еңбегің - жемісіңнің кепілі,
Еңбек ет «Өмір» атты бұлақта.

---