Корейская косметика премиум класса

Бауырларым

Бауыр етім, бауырым, бауырларым,
Сездіртпейтін жанымның ауырғанын.
Жанашырым, жақұтым сендерсіңдер,
Қайысқанын білдірмес қабырғамның.

Жырақ кетсем, жыр жазып, сағынғаным,
Сағыныштан сарғайып, сабылғаным.
Марқайтады жанымды жадыратып,
Демеу болып жанымнан табылғаның.

Жоқ уайымы, жоқ ешқандай күнәсі,
Жоқ алаңы, жоқ ешқандай кінәсі.
Балағымнан су кешіп, батпақ езген,
Сендерсіңдер бала шақтың куәсі.

Сендерсіңдер, бірге көрген, бір жүрген,
Өмір жолын өздеріңмен бір сүргем.
Сендерсіңдер, жан жылуын аямас,
Сендерсіңдер, бірге жылап, бір күлген.

Сендерсіңдер, бірге ойнаған, бір туған,
Ақ арманға бірге жүріп, ұмтылған.
Айдай сұлу, ақ анамнан айналдым,
Менен кейін топырлатып ұл туған.
Тіл мен көзден сақтай көрші жаратқан,
Бауыры көп, деген болса сыртымнан.



Қарап көріңіз


Пікірлер (2)

Ғазиза

Керемет асерли .Унады маган.

Оңғарбаев Адлет

Маған ұнады

Пікір қалдырыңыз

Басқа да жазбалар

×