Өлең, жыр, ақындар

Г. Н. Потанинге

  • 23.03.2015
  • 1
  • 1
  • 26261
Атақты Сібір ұлы қарт Потанин,
Ер сүйсе, сендей сүйсін ел Отанын.
"Қазақсың, қалмақсың" деп алалау жоқ,
Отанның тең көресің барша жанын.

Қазаққа Потаниннің аты ардақты,
Иәміштің1 біліп отыр қанша шалын?!
Сексенді сен атқардың жұмыспенен,
Күндерде қарлы жаңбыр жүріспенен.
Өзіңді көзіңе айтып мақтау емес,
Бізсіз де ісің айғақ тұр істеген.
Ұл туып ұлы жолда қызмет етсе,
Онан зор ұлтқа бар ма ырыс деген?!

Ергенге жолың сара лақпайтын,
Туың зор атып оқпен құлатпайтын.
Сырыңды жыр ғып сөйлеп жеткізуге,
Көп сөзді көршілер тұр ұнатпайтын.
Жаз келер, жадыраған күндер туар,
Жыр жырлап ту түбінде шуақтайтын.
Біз едік қадірі жоқ ұл әкеге,
Көп жатқан мешел болып келекеде.
Әл бітіп, жаңа ғана аяқ басып,
Іліндік біз де жетіп мерекеге.
Тойыңа шашу алып шаттанамыз,
Білдіріп жүрек лебін Грекеңе!!!
Алдыңда алаш тарту ұсынып тұр,
Қорынып сыйы нашар қысылып тұр,
Жағдайсыз шаруаға шарт туғызған,
Алаңды зор "соғыстың" тұсы боп тұр.
"Орамал тонға емес, жолға" деп ал,
Әзіргі ат-шапаны осы боп тұр.

1 - Иәміш - Ертіс бойындағы Ямышевский селосы.



Пікірлер (1)

Ais

Күшті

Пікір қалдырыңыз

Қара бұлт

  • 2
  • 11

Даланың күнге күйіп, аптап өткен үстінен
Бұлт шықты қаптап көктен.
Қуанды шаруалар «я, Құдайлап!»,
Жерді бір суарар деп қурап кеткен.

Толық

Маймыл мен көзілдірік

  • 1
  • 5

Қартайып, нашар көрді Маймыл көзі,
Ойлады ем етерге оған өзі.
«Көз азса - Көзілдірік емі» деген
Тиетін құлағына жұрттың сөзі.

Толық

Алтыда "бісміллә" деп мінгізді атқа

  • 0
  • 0

Алтыда "бісміллә" деп мінгізді атқа,
Той істеп, етін асып, қылып ботқа.
Қалқитып қарақшыдай қуаныш қып,
Жеткені ата-ананың бір мұратқа.

Толық

Қарап көріңіз