Ғашық болғым келеді

Жүрегімді   тамаша   шуаққа   орай,
Ғашық болғым келеді !
Бірақ қалай ?
Сүйіп кіріп  кеудемді қиып шығып,
Кетсе   қайтем  тағыда  тұрақтамай?

Ғашық болғым келеді !
" Қорқынышты"
Қақ    бөлетін   жүректі    өрті   күшті.
Жанарымда лаулаған жалынменен,
Тең  бөліскім  келеді  мол  тынысты.

Ғашық болғым келеді !
Айта берме.
Сыймай жүрмін онсызда байтақ елге.
Жас  боп  сіңіп  көмілген  сағынышты,
Мен   шығарғым  келеді  қайта  жерге.

Ғашық болғым келеді !
Сенімменен,
Керек болса сезімнің жолында өлем.
Себебі   мен   өлшеймін  махаббатты,
Бастағы    " өмірменен    өлімменен "

Ғашық болғым келеді!
Бір - ақ рет.
Шыбын  жанды  қиямын  сұра  жүрек.
Құшақ жайып барыммен қабылдаймын,
Бір  Алланың  бұйырған  жұмағы  деп.

Автор ;  Нұрбек Бекұлы

---