Өлең, жыр, ақындар

Қайда, қайда? Сезімнің от бораны

  • 07.11.2021
  • 0
  • 0
  • 354
Қайда, қайда? Сезімнің от бораны,
От бораны жастықтың тоқтамады.
Атқан таң, батқан кешпен, өткен күндер,
Өмірімді біртіндеп жеп барады...
Терек бопты бір кезгі шоқ тал әні,
(Оған да әлі айбалта оқталады)
Алаңында тірліктің талас –тартыс,
Қайшылықтың өтуде көкпары әлі.
Тыншымайды көңілім күй тілеген,
Бола алмаспын бақытты ұйқыменен.
Ескі жұртын қия алмай қайта соқты,
Жан-жүректі жаулаған сиқыр өлең.
Пысықтардың пысқырмай өсегіне,
Ене алмадым ешкімнің «есебіне»,
Айтып, айтпай не керек, қас-қағымда,
Айналады бүгінің кешегіге...
Білмеппін-ау, қадірін ештеңенің,
Көштен қалып, тағы қай көшке еремін?
Құстар қайтып барады, жылы жаққа,
Қос қанаты білдіріп «хош» дегенін.
Білмеппін-ау, қадірін ештеңенің!...



Пікірлер (0)

Пікір қалдырыңыз

Япыр-ау, сабыр қайда, мазам қайда?

  • 0
  • 0

Япыр-ау, сабыр қайда, мазам қайда?
Қаптап тұр көз алдымда тозаң майда.
Тордағы торғайға ұқсап бұлқынумен,
Қанатын қыран көңіл жаза алмай ма?

Толық

Менің рухым

  • 0
  • 0

Айта алмастан сыртқа сырды ашып көп,
Ой қуамын, дулы ортадан қашып кеп.
Өмір сүрдім, көз жетсе де, қол жетпес
Жұмбақ, алыс биіктерге ғашық боп.

Толық

Кездескенде қыстың әлсіз қолымды

  • 0
  • 0

Кездескенде қыстың әлсіз қолымды,
Білгің келіп бәрін ішкі хал-жайдың.
Сенің мәңгі күтер едім жолыңды,
Бірақ мәңгі өмір сүре алмаймын...

Толық

Қарап көріңіз