Менің елімнің көшбасшысы!

Жүректері намыстан жаратылған,
Қазықтың тарихы боп таратылған,
Ең алғашқы көшбасшымыз Керей менен
Жәнібек хан даңқты дара тұлғам.

Қасқа жолын құрастырып Қасым ханым,
Ескі жолмен есейтіп Есім ханым,
Міне осындай көшбасшылар қазағымның
Алға қарай жылжытқан көшін, таңын.

Тудырған көгімізде жарық айды,
Қазақтың бар тағы бір ханы әйгі.
Қазақ жерін жоңғарлардан азат еткен
Қалайша ұмытамыз Абылайды.

Бөлеген қасиетке халайықты,
Көшбасшылар болған ғой талай мықты.
Еңсесін еліміздің биік еткен,
Бас иіп құрметтеймін Қонаевты.

Тәуелсіздік төріме алғаш кіріп,
Азаптарды азаттыққа алмастырды.
Даналардың даңқты дара жолын
Нұрлы жолмен Нұрсұлтан жалғастырды.

Даңқы шығып дүние дастанында,
Көк туды желбіреткен аспанымда,
Қазақты қасиетке қанықтырған
Бас иеміз осындай асқар ұлға.

Соғысты елімізден алыс қылдың,
Елді өрлетіп жүйріктермен жарыстырдың.
Қазақ деген азат та, озат елді
Нұрсұлтаным әлемге таныстырдың.

Көтерген абыройын, ел еңсесін,
Ер есімі тарихқа тереңдесін,
Осындай көшбасшымыз бар кезінде
Түсіре алмас елге ешкім көлеңкесін!!!

Тарқатып қайғыларды бұрын шеккен
Жарқыратып қазақтың күнің көктен
Халқыма нұрсұлтандай ұлды беріп
Тәңірім қазағыма нұрын төккен

Шаңыраққа бір шуақ кіріп нұрлы
Ұлы елдің еңсесін ұлық қылды
Жан жаққа тарап кеткен бар қазақты
Бір байрақтың астына біріктірді.

---