Қайырымдылық...

Туын биік көтеріп тұғырлы елдің
Келеді қайырымды ғұмыр көргім
Аяушылық танытпасақ кім болғанбыз
Аясында жүргенде жұмыр жердің

Тірлікте танытпасаң қайырымды
Жаныңның көкте болар жайы мұңды
Жақсылықтан тұрмаса ескектерің
Есе алмайсың өмірде қайығыңды

Болады бұл өмірді өткел десем
Дұрыс іс жақсылықта шектелмесең
Өкініш өзегіңді өртейді ертең
Өмірді өнімді қып өткермесең

Жомарт болсаң жай табылар төрден керім
Адамдар да қайталайды көргендерін
Өзіңе ертең сауап болып оралады
Өзгеге бүгін бөліп бергендерің

Жақсы істерде ұжым боп құралайық
Жомарттық па? Тақпайды ешкім бұған айып
Сан-саққа шашылатын саусақ болмай
Бірігіп бір жеңнен қол шығарайық

Қамшыдай қысқа өмірде қанат қағым
Жөн болар барды орнымен таратқаның
Мүмкіндік беріп бізді жаратқан соң
Мүмкіндіксіз іс бермеші Жаратқаным

---