Өлең, жыр, ақындар

Алыста жүрген ағайын

  • 20.03.2020
  • 0
  • 0
  • 2090
Аз күн дәмдес болған стамбулдық қара көз қарындасым Мәстура, ақжарқын жеңге Дариға, асыл аға Мәжит Жаналтай, сiздерге арнадым.

Сақтаған ұзақ сан жылдар
Қанжардай күңгiрт тартты ма?
Жарқ етшi, кәне, сағыныш,
Жарып шық теңдi, қапты да.
Шарадан асса сағыныш,
Шөл басып бүгiн, қанып iш.
Мауқынды басшы қарындас,
Сұрыптап тiлек ағын iш.
Шырқаудан әндi жалықсаң,
Татудан дәмдi қалыспаң.
Тойлайтын нағыз күнiмiз,
Ағайын келiп алыстан.
Асылын сөздiң саптаған,
Ардақтап дәстүр баптаған,
Ортаңда бүгiн қазақтын
Жорғасы отыр ақтабан.
…Жүрсе де қиыр тау, сайда
Қалғасын алыс аңсай ма?
Келе ме дала тағысы
Туған жер шөбiн шалғысы,
Бiр жалап тұзын алғысы?
Алысқа неге асыпты.
Таңдады неге қашықты?
Сұраққа сұрақ жамарсыз,
Кеттi ме жырақ амалсыз?
Болса да адал, пәк кiсi,
Келдi ме жала жапқысы,
Мойнына қарғы таққысы?
Болды ма содан жат кiсi?..
Алыста жүрген ағайын,
Көмiлген сырды қазайын.
Кей кезде налып, жабығам,
Аздықтың тартып сазайын.
… Ай туар көкшiл күмбезде,
Күмiстен шашып сәулесiн.
Жаратып тұлпар сол кезде,
Қосыла шауып, әу дерсiң!



Пікірлер (0)

Пікір қалдырыңыз

Қысыр бұлттар

  • 0
  • 0

Бұршақ шашып, шеке жарып,
Нөсерлетер бұлттар да бар.
Сол қасиет кеткен дарып,
Тау бойында ұлттар да бар.

Толық

Күз

  • 0
  • 0

Жабағы бұлт көк төсін жабады кеп,
Күздің сыйлар сыйы да, азабы көп.
Тұманды күн аңғартпас жан-жағыңды,
Ойлау қиын біреу жөн табады деп.

Толық

Күй... өкініш

  • 0
  • 0

Сүйріктей саусақ... ішектен үндер төгіліп,
Жарты Шар — шанақ нұр сеуіп, аспан сөгіліп
Сиқыршы жас қыз санаңды билеп әкетсе
Заманға сонау сенімен бірге шегініп.

Толық

Қарап көріңіз