Кадрия Темірболатова

Тұманды көл

Бұл бетте «Тұманды көл» атты Кадрия Темірболатова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

20.04.2020
0
0
1789

Тұманды көл, тұманды көл,
Тұманыңды жырлайын.
Түбіңдегі сырларыңды
Маған айтшы, тыңдайын.
Сен тұманға оранғандай,
Бұлдыр-бұлдыр бейнесің.
Тұманды көл! Тұмандардың
Кигенің бе жейдесін.
Тұманды көл тұманыңмен,
Маған әбден ұнайсың.
Суың мөлдір сырға толы
Кімнен сырды сұрайсың?
Тұмандарың бұлтқа жетіп,
Тауларды да айналсын.
Тұман-сырың алыс кетіп
Тұман болып ойлансын.
Тұманды көл, тұманды көл,
Мүмкін сенің тұман жаның?
Сабырлығың неткен ғажап
Мен сені ұға алмадым.
Тұманды көл сол тұманға,
Сен басыңды иіпсің.
Қоршаса да қалың тұман
Сен тұманнан биіксің.

Кадрия Темірболатова тұман көл тұманды көл Кадрия Темірболатова өлеңдері

Пікірлер (0)

Пікір қалдырыңыз

Жиі қойылатын сұрақтар